《壹》仔率先報導卓林失蹤一事，雖然吳綺莉力撐同囡囡有聯絡，不過紙包唔住火，繼卓林同Andi喺加拿大現身之後，昨日佢哋兩個就拍片剖白，卓林更公開話︰「我係成龍個女!」
卓林喺片段入面強調「二人相愛，但被人拆散」又話自己不明白可以怎做，仲話希望大家可以廣傳片段，更說自己好愛Andi。同時她又在社交媒體話自己有創傷後壓力症候群（PTSD），吳綺莉回覆傳媒時直認卓林情緒上有問題，亦曾經有看過醫生。不過吳綺莉對於卓林同Andi拍片擺上網一事，甚為激心，更指Andi推卓林拍片有問題，認為Andi有借人名聲去賺錢之嫌。
片段入面，卓林同Andi都提到她們曾經向不同的朋友、機構，甚至報警求助，又指沒有人理會她們，同時身上已經冇晒錢，走投無路等等。有唔少網民對於卓林都深表同情，但更多網民認為卓林今次拍片係「明激吳綺莉多啲喎! 」。因為片段一開首就見到卓林認係成龍個女，有唔少網民指卓林是不甘阿媽要拆散佢同Andi二人，於是「佢拍呢條片, 唔係向老竇求助，係錐到準佢亞媽既要害，想激死亞媽至真!」
亦有網民認同吳綺莉講法，指她們既然有手有腳就應該靠雙手去賺錢，而不是拍片等人救濟，同時覺得Andi並非心存好意︰「外藉教師係香港都唔知幾高人工，駛淪落到等救濟？好明顯係教唆卓林搞大件事激阿媽。」
來源 source: http://nextplus.nextmedia.com
|
鍾意就快D Share啦！
|
|
|
