掃呢頁CODE去手機

2018年4月28日 星期六

【男友仲拖住有米舊愛?】淡定廖碧兒:我哋已經好公開,不如你哋問佢 __,碧兒,廖碧兒,

廖碧兒早前承認與富二代盧啟賢(Calvin)拍拖,但近日有指男方與泰籍女友Nina拍拖7年仍未分手,令人不禁懷疑碧兒係咪做咗第三者都唔知……(新聞連結 ...


廖碧兒早前承認與富二代盧啟賢(Calvin)拍拖,但近日有指男方與泰籍女友Nina拍拖7年仍未分手,令人不禁懷疑碧兒係咪做咗第三者都唔知……(新聞連結: https://bit.ly/2r2U78E )

今日廖碧兒身穿白色低胸裝,笑容滿臉到尖沙嘴出席品牌活動,問番佢呢單嘢,早有準備嘅廖碧兒直言相信男友:「以我所知係朋友,佢同Nina嘅家人都熟,Nina已經有自己家庭,結咗婚。希望大家唔好再騷擾佢。我哋之前識咗一段時間先一齊,相信Calvin係認真我先公開,佢有同我講冇拍拖。」

對於Calvin被指開派對、豪開多支香檳任請人飲,廖碧兒指該次派對唔係最近嘅事,而且派對止有啲人佢都識。

但有人爆料廖碧兒只係Calvin比較close嘅朋友,廖碧兒話:「唔知邊個講,但我哋已經好公開,不如你哋問佢。」

男友有錢,被問會唔會怕多女仔埋身?廖碧兒笑話:「我都靚呀,男或女多人追都好正常,對佢有信心。」但佢話只係拍咗拖幾個月,所以冇傾結婚嘅嘢,總之呢刻好開心,要俾啲時間。

至於二人拖手出嚟放閃闢謠,男友會唔會抗拒?佢風騷話:「你哋問佢我哋約咗一陣見面。」之前有報道話Calvin買咗幾十萬靚酒,廖碧兒話有份享受但唔知買左幾多,更指男友係做投資嘅。

另外,趙頌茹早前同可嵐等人,同自己仔女拍真人騷喺社交平台免費播,佢哋籌備第二輯,自己仍會帶細女同行:「大女太文靜喇,佢唔鍾意講嘢,我會拎住機錄影,到時驚會錄到我雄壯嘅聲音問佢。」

精選娛聞,喺晒《娛果》

http://fb.com/appledailyent



最近有指廖碧兒男友與泰籍女友Nina拍拖7年仍未分手(讀者提供圖片)

今日廖碧兒身穿白色低胸裝,笑容滿臉到尖沙嘴出席品牌活動。(攝影:林賓尼)

早有準備嘅廖碧兒直言相信男友

廖碧兒:「希望大家唔好再騷擾佢。我哋之前識咗一段時間先一齊。」

趙頌茹早前同可嵐等人,同自己仔女拍真人騷喺社交平台免費播,佢哋籌備第二輯。

鍾意就快D Share啦!