龐景峰最近就挑戰障礙賽！
藝人龐景峰（Andrew）日前參加障礙賽，他透露今次賽道全長8.5公里，當中有23個障礙，他說﹕「我今次跑咗兩次，一次係精英賽，喺71位參加者之中排54名，用咗兩個鐘多少少，第二次就係以手錶代言人身份參加。參道沿途有唔同障礙物，例如7呎同9呎高嘅牆、跳欄、喺沙灘同浮台上跑、爬上山、爬落山、拎沙包、爬繩等，其實可以當係軍訓比賽，因為好多退役嘅軍人都有參加。」
Andrew表示今年已經是第四度參賽，成績亦一年比一年好，但認為今次最辛苦：「每次嘅賽道都同，今次因為要跑山，地下有樹根，唔覺意跣一跣，插咗落去就好易整親，加上啲路好斜，以往都會建議普羅大眾去參加，但今年就唔係咁建議，覺得係最危險嘅一年。我自己第一次跑因為要快，所以都搞到損手爛腳，第二次跑就冇受傷，因為我跑得好慢。」
來源 source: http://hk.on.cc
|
鍾意就快D Share啦！
|
|
|
