有得拉頭馬好過冇得拉呀！
身為慈善大使的組合草蜢出席慈善晚宴，惟成員蔡一智因臨時有事，未能出席。蔡一傑及蘇志威表示會於晚宴上與主席高歌一曲，感到榮幸：「之後會再做多啲慈善嘢，幫都手就做。」
問到會否再舉行巡演？他們表示未知，依家先剪緊上次演唱會的DVD版：「不停剪完又改，又再剪，有好多人都問點解咁慢先出，但其實出DVD要剪，唔係易事。」睇番會唔會想再開騷？蔡一傑話當然想：「想構思做到最好，希望可以再開，但地方未定，預定下半年，工作期表未落實。」他又表示正準備個人唱片：「不過依家最得閒係我，啲工作人員都好忙做其他嘢，澳洲拍個嗰MV已經出街，日本拍個嗰就未出，佢哋唔得閒。」再講到蘇志威最近的「工作」，蔡一傑笑話：「佢掛住拉頭馬，我就做到咩咁。」令蘇老闆笑而不談。
來源 source: http://hk.on.cc
|
鍾意就快D Share啦！
|
|
|
