雷震假紅磡殯儀館設靈。
五、六十年代當紅小生，又曾演出電影《古惑仔2之猛龍過江》而深入民心的雷震（原名奚重儉），4月初因病離世，享年85歲。今日傍晚時份假紅磡殯儀館設靈，明天出殯後遺體將移送往和合石火化。
靈堂以金色布置為主，橫匾寫上「往生淨土」，而遺照前則擺放着女兒及女婿等至親的花籃，圈中好友包括葛蘭及吳思遠等送上花牌悼念。大會向在場親友派發紀念冊，除有雷震生平簡介及生活照外，藝人曾志偉、李琳琳及丁羽，以及《古》導演劉偉強亦有撰文向雷震作最後致敬。
丁羽到場時受訪，他表示五、六十年代已與雷震相識相交：「雖然冇合作過拍戲，但大家都係電影人。我配音時去佢嘅配音室，佢搵好靚嘅普洱茶招呼我。近呢十年佢身體唔好，想約佢出嚟飲茶佢都缺席，難忘佢牌品好好，成日畀牌人上，輸錢一笑置之！（佢有心願未了？）應該冇，佢人緣好好，又錫個女，真係冇乜遺憾嘞。」
導演劉偉強亦有到場致祭，他受訪時透露當年透過王晶父親王天林搭路，邀得雷震接拍《古》，並於戲中扮演一個台灣江湖大佬。劉導坦言自該次合作後，與雷震已甚少聯絡，故不清楚他的健康情況，但補充說﹕「佢係個文質彬彬嘅人，把聲又好好聽。」
來源 source: http://hk.on.cc
|
鍾意就快D Share啦！
|
|
|
