黃浩銘口水多過茶。 不怕牢獄之苦，最怕獨處監倉，「赤柱和石壁係單人倉。但我唔係全天候困喺倉、每日得一個鐘放風嗰啲，許仕仁、郭炳江就係。俾我一定頂唔順。」千億富豪是受保護動物，囚友沒機會搭訕，「我冇理由話：郭生，你攞番啲哋俾香港人起公屋好喎？費事啦，唔知搏乜。入到嚟大家著同一隻色。」
他平日可以連續嗌咪兩小時，在赤柱也不愁沒聽眾，「佢哋會問：阿銘，立法會是怎樣的？咩叫功能組別？點解話香港冇民主？其實好多香港人都唔明。」共產黨和林鄭月娥說戴耀廷是港獨，囚友不虞有詐，「有個本來支持民主、支持長毛的，佢都鬧戴耀廷，要我解釋。是吃力的，共產黨仲好輕鬆。佢鍊住晒各大傳媒，潑屎冇成本。」他兩度入獄，刑期早已超過三個月，未來五年不能參選，「而家周圍講港獨，反正都唔使選。有咩忌諱？唔通真係來拉我？成日怕痕、怕痛嗰啲，其實係驚觸碰到共產黨的底線，攪到冇得選。」
選舉事小，審訊卻打亂了黃浩銘的人生計劃。他原本今年底與拍拖十二年的女友拉埋天窗，但「佔中九子」被控「公眾妨擾罪」一案，將於十一月開庭，刑期最高七年。若他不再幸再次入獄，女友的青春終將逝去，「我唔想拖太耐了。要生小朋友，佢變高齡產婦就唔係咁好。」「戴耀廷老婆叫我唔好生。我心諗，有冇攪錯？你想我冇得享受天倫之樂？唔得。」然而抗爭的成本有增無減，「咁咪帶小朋友來監獄見我囉。好多囚犯都有妻室。只要我接受、我伴侶接受，咁咪得囉。使乜對呢個世界咁悲觀？」
來源 source: http://nextplus.nextmedia.com
|
鍾意就快D Share啦！
|
|
|
