2018年4月23日 星期一

欣宜開騷側田做嘉賓 未唱完被請落台掃興 __,側田,欣宜,

時間有限都冇計!歌手鄭欣宜一連兩場紅館處女騷來到尾場,爸爸鄭少秋臨開場前一秒最後入場,撐足愛女兩晚!另外現身的藝人有汪明荃、胡楓、薛家燕、姜大偉與太太 ...


時間有限都冇計!


歌手鄭欣宜一連兩場紅館處女騷來到尾場,爸爸鄭少秋臨開場前一秒最後入場,撐足愛女兩晚!另外現身的藝人有汪明荃、胡楓、薛家燕、姜大偉與太太李琳琳、周秀娜、彭秀慧、AGA、Gin Lee、連詩雅、黃心穎、謝婷婷、丁子高、王宗堯、黃偉文等,眾星雲集,星光熠熠!如頭場,欣宜一開場就為Fans帶來一連串的勁歌熱舞,無懼腳傷困擾,充滿自信再做擘髀、趷籮、拗腰、自摸等性感高難度動作,她更High爆將黑色帽拋下台,隨即惹來Fans尖叫,一開場就將氣氛推至最高點!

唱畢第八首歌《一句到尾》,欣宜終於頂不順,大叫「耳仔完全冇聲」,耳機繼首場後,再度失靈,隨即幾位工作人員即時上台「搶救」,欣宜邊整邊話:「畀多啲掌聲我可能接觸不良,耳仔聽唔到好影響唱歌。」講完全場即掌聲如雷!雖然成功補鑊,但見欣宜在之後的演唱都不斷用手調整耳機,似乎還未搞點。

唱至《好人》期間,迎來第一位嘉賓側田,他於台中緩緩升上,與欣宜擁抱後繼續連着演唱,欣宜更不時冧爆望着側田唱歌。唱完側田先開口話欣宜好客氣,不停多謝他,更即場笑話要一世免費食欣宜出品的曲奇餅,欣宜話冇問題:「有啲嘢想問你,2015年嗰陣你邀請我做嘉賓,但當時好似唔多熟。」側田就坦白話已經欣賞欣宜好耐,特別是台風,又指上次只是跳舞,今回終於可以唱歌,講完欣宜就話要落台換衫,將舞台交給側田演唱《男人KTV》。唱到中段時,側田向台下坐第一行的鄭少秋打招呼:「秋官你好!做完你澳門演唱會嘉賓,今日做你嗰女嘅嘉賓。」他更走向舞台邊跟Fans握手,惟最後還未唱完就被催回台下,認真掃興!

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!
Related Posts Plugin for WordPress, Blogger...