2018年4月23日 星期一

【新三民以外】香港希望還看風雲 戴耀廷:盼不放棄公民站出來 __,戴耀廷,

近年間香港社會受「低氣壓」濃罩,經歷過雨傘運動,本土思潮興起、隨後又有DQ風波、旺角騷亂等等,爭取民主之路不進反退,港人對前途漸趨悲觀,社會彌漫「新三 ...




近年間香港社會受「低氣壓」濃罩,經歷過雨傘運動,本土思潮興起、隨後又有DQ風波、旺角騷亂等等,爭取民主之路不進反退,港人對前途漸趨悲觀,社會彌漫「新三民主義」:要麼認命當「順民」;就暴力激烈抗爭成「暴民」;死心絕望者則「移民」去也。戴耀廷卻認為在「新三民」以外,香港人還有一個選擇。

「就係唔放棄嘅公民。」

戴耀廷相信,香港社會中仍有一部分人不認命、不放棄,故此期望在一九年區議會選舉中,會有更多人參選。他認為社會往往由一小撮不放棄的人去推動改變,「第四民」可以鼓舞社會,重新向前,「佢哋唔放棄肯堅持,係會令到其他人被鼓勵,或者令到其他人原先想放棄,或者已經放棄咗嘅,重新再站起來。」期望更多人會站出來,參加一九年區議會選舉。

「而家我覺得唔肯放棄嘅公民,其實喺香港仍然有好多。」

針對一九年區議會選舉,戴耀廷早已提倡「風雲計劃」,鼓勵各區人士積極參選,挑戰無競爭下長年自動當選的保皇黨,終極目標,是期望民主派取得區議會過半數議席,亦有助抗衡政府未來可能就《廿三條》立法工作。「制衡權力就包括咗區議會層面,能夠喺地區層面攞多啲議席,同埋喺立法會層面攞多啲議席,呢個就可以制衡得到。」

同時,戴耀廷亦相信,官方近日對他的打壓與「風雲計劃」有關,企圖將有影響選舉結果的變數壓下去:「香港始終都仲有一啲相對公平嘅選舉係發生緊,譬如區議會層面同埋立法會嘅地區層面,呢啲選舉佢要操控就難好多。」他相信中央因此要用盡方法阻止「風雲」成功,其中一個手段就是打擊推動者。

「我就係嗰個推動者,所以佢係針對緊風雲呢個可能性,我覺得都真實存在。」

然而,戴耀廷亦承認,想要當「不放棄的公民」難度「四民」當中最高:「壓力最大,代價最高,甚至乎無乜回報」但仍樂觀盼望他們能在未來日子推動改變香港,追求民主與自由。「𠵱家我覺得係呢班唔放棄公民嘅數量,已經去到一個關鍵嘅數字。」

他又引用美國黑人民權領袖馬丁路德金:「喺黑暗裡面,我哋先至睇到星星。」香港現在亦有如黑夜,文革式批鬥、打壓或許陸續有來,但只有在黑暗中才可以看到希望,代表希望的星星。

在報章撰文拋出「佔領中環」構想前,戴耀廷只是一個知名度不高的法律學者,經過「佔中」發展成「雨傘運動」一役後,又提出過「雷動計劃」立法會選舉策略投票、針對一九年區議會選舉又醞釀「風雲計劃」,挑戰長年無競爭自動當選的保皇黨,外界遂為戴耀廷他加上外號——「民主發明家」、「民主KOL」等等。

「其實呢個稱號我覺得都係褒意嚟嘅。」

認識戴耀廷的人,都會感受到他對信念相當堅持,簡而言之,即是「硬頸」。在訪問當中,堅持自己只是對後專制時代的空想。打壓,以至往後或會失去工作、甚至語言暴力或有一天會演變成肢體暴力,他明言不會為此而「收聲」。

倡議、推動民主之路不易走,戴耀廷坦言即使因為提倡佔中、雷動等失去了一些朋友,但認為得着仍比失去為多。因為他認識到更多新朋友,得到更多機會與空間闡述理念:「即係做嘅研究唔係喺象牙塔裡面咁簡單,你會有機會喺公共,喺社會裡面發揮到一啲效用。」

「我唔會改變我嘅立場觀點。」戴耀廷如是說。

撰文:忻肇康

攝影:時事組

相關連結:

【戴耀廷絕地反擊】被屈到台灣鼓吹港獨 戴耀廷:唔係政府鬼有人知我去過

https://bit.ly/2F70aOH

【戴耀庭絕地反擊】鬥垮鬥臭無日無之 戴耀廷:唔排除出現暴力

https://bit.ly/2K81TXw

【疑涉強力部門】憂跟蹤變「銅鑼灣」翻版 戴耀廷嘆報警無用:你估做到嘢咩?

https://bit.ly/2HlsZIY

【狗仔難防】私人飯局遭偷拍 戴耀廷:我也在反跟蹤

https://bit.ly/2Hi7v3S



鍾意就快D Share啦!
Related Posts Plugin for WordPress, Blogger...