有「浪子詞人」之稱嘅潘源良，填過無數浪漫情歌，佢嘅情史亦唔惹少。同李麗珍數十年嘅離離合合，今日58歲嘅佢宣布再婚，喺加拿大娶細佢十七年，做跨媒體藝術嘅Rita，婚禮以基督教儀式進行。
呢段關係潘源良收得好密。16年佢同拖拉多年嘅李麗珍正式劃上句號後，就緊接同Rita拍拖。有指當時失戀嘅潘源良到加拿大散心，同相識數年嘅Rita重遇，就係咁電光火石間就有感覺，仲互相認定對方係終身伴侶，Rita令離咗婚32年嘅浪子潘源良再做老襯，究竟係男嘅心態改變咗，抑或係Rita嘅本事！
講番當年，潘生為咗李麗珍，86年同髮妻離婚。徘徊喺對珍妹痴情，及對前妻虧欠難斷，情聖潘源良寫咗首林子祥唱嘅《最愛是誰》，但珍妹之後同佢又離離合合，兜兜轉轉。直至珍妹同許愿離婚，選擇返去佢身邊，外界以為佢哋走到中年再復合，應該開花結果，點知16年珍妹突然暗示同潘源良分手。不過更加估唔到係一頭白髮嘅潘源良，近六條之年肯再踏入教堂，願意向一個女人定承諾。
立即下載Apps，隨時隨地睇盡時政專題、深度偵查、娛樂熱話！按此連結：http://bit.ly/next28app
點擊圖片
【同李麗珍分手兩年】58歲潘源良娶細17年Rita 加拿大行婚禮
來源 source: http://nextplus.nextmedia.com
|
鍾意就快D Share啦！
|
|
|
