陳志雲投資及主演的處境網劇《姨媽到Imado》日前播出第一集，志雲今次反串扮女鬼Margaret ，與石詠莉、劉亭君和莫竣名演出，講述志雲在六四事件後移民英國，意外被咖啡壼扑死，冤魂不息，依附在咖啡壼中，後來咖啡壼落入石詠莉等3位年青人合資開設的黃店咖啡店，展開連串人鬼故事，而每集都會請嘉賓客串，除首集陶傑打頭陣外，還有王喜、曾俊華和黃夏蕙等等。
雖然港區國安法已生效，但志雲新劇有不少踩界對白和情節，暗寸克警。如王喜劇中飾演男鬼，生前是香港皇家警察，其中一集咖啡店遭人走數，王喜就「現身」咖啡店進行查問，石詠莉、劉亭君和莫竣名3位店主一聽見警察即甚大反應齊聲質問說：「又冇委任證、又冇蒙面，堅唔堅！」擺明寸克警行使警權時蒙面及拒絕出示委任證。而王喜劇中就表示：「你話畀人走數，你哋認唔認到個人個樣，有冇裝CCTV，我建議裝返CCTV，無論比人走數又好，比人偷嘢又好，起碼可以影到個樣。」
《蘋果》日前致電志雲，講到處境內容暗寸克警時，志雲笑說：「佢哋（幾位年青人）畀人呃，我叫朋友（王喜）教佢哋唔好畀人呃，但佢哋一見警察就提高警覺。其實唔係寸警察，只不過大家成日咁講，劇中人係貼地香港人，呢個唔講出嚟又點夠貼地？」說到在黃店拍攝，志雲說：「唔覺黃，佢哋只係貼咗啲相片紀錄香港發生嘅事啫。」
今次前財爺曾俊華也有份演出，飾演志雲初戀情人，講到曾俊華，志雲表示之前舞台劇《志雲尋志雲》曾跟對方合作，曾俊華最特別之處「忘記台詞」，志雲笑說：「今次拍攝非常順利，因為我cut咗佢好多對白，驚佢唔記得。」
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|
