梁思浩開咪唔戴口罩係有原因嘅。
藝人梁思浩在主持網台節目時堅拒戴口罩，除被網民炮轟自私外，有指網台高層就此事和他炒大鑊，更揚言要換走思浩，明天生效。思浩接受東網電話訪問表示：「我已經用咗私己錢，去租一個私人又消晒毒嘅錄音室，租咗成日個月，依家我只係用咗四日，其實我租呢個直播室嘅目的係，除保障自己外，仲要保護兩位拍擋李麗蕊同陳彥行嘅安全，我哋每日仲係保持兩米距離，只係因為我要用鼻抖氣，戴口罩要拉落少少啫，同埋我講嘢快，戴咗口罩會影響我把聲，我咁做法都唔合佢（網台高層蔡先生）嘅要求，咁我就冇法。」
談及有指被網台總經理換走，他澄清：「佢調轉嚟講，我係同佢講先，係我話我畀錢搵人代我至9月4日止，因為我哋合作嘅季度屆滿，況且網台同蔡生唔係我僱主，佢哋冇資格炒我囉，我哋拆帳形式合作，我每個月畀20萬佢哋租場嘅。（唔做可唔可惜呀？）廣播界我都做咗20幾年，依家手頭上有兩個電視台節目要做，網台工作可以攰吓係福氣，我係怕兩個拍擋冇咗份工啫。」
來源 source: http://hk.on.cc
|
鍾意就快D Share啦！
|
|
|
