2020年10月31日星期六

相識逾30年黎芷珊哽咽悼錢國偉：佢原意撐落去 #錢國偉 #黎芷珊

相識逾30年黎芷珊哽咽悼錢國偉：佢原意撐落去

黎芷珊很不捨錢國偉，心情仍未平伏。

製作人錢國偉於周二（27日）病逝，生前好友黎芷珊透露喪禮事宜很快會落實並公佈。黎芷珊坦言心情仍未平伏，自言跟錢國偉已相識30多年，從對方於兒童節目任職PA至今，是一個無所不談的知心好友。

黎芷珊透露錢國偉因病曾到日本接受治療，腫瘤亦確有縮細跡象，但因疫情關係未能赴日，情況開始急遽下降。她咽哽說：「後期瘦到認唔到。最難過係最後嗰幾日，有好多朋友嚟探佢，佢已經講唔到嘢，只可以做OK手勢，原意會撐落去。去到最後已經開始昏迷，但佢唔肯瞓，因為驚瞓咗起唔返身。好唔捨得佢。」問到錢國偉太太陳宛蔚可有經濟壓力？她說：「遲啲再講，但錢國偉始終都係經濟支柱，佢太太已經無做嘢，但我哋呢一班兄弟姊妹做嘢。」