藝人賴慰玲今天在中環出席食店開幕禮活動，現場有近百嘉賓疑有違反「限聚令」之嫌，商場安排多名保安，不停勸聚集人群保持社交距離。賴慰玲指自己跟老闆娘是中學同學，故特意來撐場，問她遇到這麼多人，會否擔心？賴慰玲說：「我會避開人群，見唔對路就會閃，亦唔會除口罩，因為屋企有小朋友，自己要做足安全措施。佢哋都好好，祝酒時都叫大家唔需要除口罩飲，只係扮飲就得。」
賴慰玲稱今次活動能撐中學同學之餘，又可以遇到很久沒見的老師當作敍舊，她笑言羡慕跟她同齡的同學，在這世代也能擁有多間分店的成就，十分厲害。賴慰玲在疫情下甚少帶兒子外出，為了寶貝仔，她願意身兼多職：「學又冇得返，我而家已經係半個老師，身兼演員同老師。」
最近忙於拍攝劇集《拳王》，賴慰玲續道：「嚟緊會拍主景，有諗過搵地方住，酒店又唔係咁好，因為角色好沉重，要好集中，怕個仔會影響到我，10日、8日還可以嘅，惟有喺屋企搵個角落出嚟。」她指沉重的戲份主要是跟黎耀祥做對手戲，而這角色對她來說是很大挑戰，更大讚黎耀祥神級演技，在劇中幫助她解答許多疑難，令她很快入戲。
提到有份角逐TVB女配角獎，賴慰玲說：「當嗰日宣佈提名時，聽到台下嘅歡呼聲已經令我好感動，好多人支持，係好大鼓舞，之後都唔預計嘞，平常心。」是否有提名已當攞獎？她笑說：「惟有咁講啦。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|