星級髮型師馬桂燦（Jacky Ma）於本月3日因癌病離世，終年59歲。其家人今日於灣仔循道衛理聯合教會國際禮拜堂的一樓聖堂設安息禮，儀式後靈柩送往火化。安息禮儀式在下午2時進行，林海峰和彭羚夫婦、蔡一傑 、黃耀明、太極樂隊的劉賢德及何韻詩胞兄何秉舜先後到達聖堂送別好友。對於爸爸的離去，飛仔在爸爸的安息禮上，透露心情已平靜了很多：「有時我覺得作為佢嘅仔女，係企喺一個好微妙嘅位置，有時候唔知要做啲乜嘢，先可以襯得起我爹哋，頭先見到片段有咁多朋友分享對佢嘅感受，真係非常之感恩。」飛仔讀了一段胡適所寫的文字，來形容爹哋的一生：「人生的意義不在於何以有生，而在於自己怎樣生活。你若情願把這六呎之軀葬送在白晝做夢之上，那就是你這一生的意義。你若發憤振作起來，決心去尋求生命的意義，去創造自己的生命的意義，那麼，你活一日便有一日的意義，做一事便添一事的意義，生命無窮，生命的意義也無窮了。」
接着飛仔說：「我爸爸嘅生命就好似呢段文字所講，佢嘅意義係無窮無盡，佢嘅雙手係創造咗好多嘅事出嚟，做嘅事都有佢嘅意義，相信熟悉佢嘅朋友都知道，佢成日都毫無保留咁分享自己嘅歷史畀人聽，10幾歲已經俾髮型呢個行業深深吸引住，佢成日都同我講，日日都企喺SALON面前，直到啲師傅都忍唔住問佢：『細路，你係咪想學剪頭髮』，最後佢成功打動咗自己個師傅，入到一行只請高大靚仔嘅行業。」
飛仔表示爸爸以前需要出埠，為歌手的巡迴演唱會擔任髮型設計的工作，他說：「我哋有時都好羨慕佢可以成日周圍去，但係當中承受咗唔少壓力，但係佢從來都唔會表現出嚟，一直默默承受，呢樣係值得我去學習嘅地方。因為佢嘅工作係咁繁忙，佢嘅胃一直係有少少唔舒服，以前會食胃藥根治問題，直到2018年，醫生證實咗佢患上胃癌，佢曾經經歷過化療同手術，不過佢每次做完，好快就會返番去佢嘅工作崗位，佢嘅食慾從來都冇受到影響，就算係做完化療之後，都係好食得，搞到同房嘅病人都好羨慕。」
雖然近年Jacky Ma的身體狀況不太好，但他仍然對工作和生活很盼望，飛仔說：「喺上個月，佢都同我姑姐一齊再創高峯，做咗個Hair Show，就算喺表演嗰陣覺得唔舒服，佢都唔會表現出嚟，畀人哋察覺佢嘅辛苦。作為佢嘅仔女，我哋好感激佢對我哋嘅教育，爹哋媽咪係一個好開放嘅人，佢哋從來唔會喺學業方面畀壓力我哋，亦都好放手畀我哋去做，希望畀我哋喺自己嘅路做啲正確嘅決定，佢成日話有目標要去努力去實現，生活上面有任何嘢想做，都要付諸實行，唔好留低任何遺憾。」
飛仔還說自己是爸爸最後一個客人：「由我出世佢就幫我剪頭髮，直到佢離開前最後一個作品，都係為我去剪，我諗世界上冇一樣嘢比呢件事係更加圓滿。」最後他代表爹哋向所有髮型界的同行說：「髮型界的朋友，髮型界的未來靠你哋喇，努力，加油！」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|