人仔，並唔係咁賺嘅！良知，原來亦要睇情況！去年7月，周柏豪在社運期間曾呼籲市民登記做選民，結果被大陸小粉紅批鬥，更改他做「港獨豪」。其實，叫人做選民，在任何開明國家都屬於正常不過的事，可惜周柏豪一跪再跪，日前在各大社交平台貼抱女相表忠，為自己身為中國人而心存感激。當然，愛國冇問題，問題是表忠背後的動機，相信目的都只為一個_字。
一不嚟二，周柏豪表忠行動原來還有二部曲，日前他接受阿叻訪問，痛批曾和他合照的黃之鋒和直斥去年社會運動中暴徒行私刑……。雖然是有點姍姍來遲，但就完美示範如何瞓身投入藍營！就連杜汶澤亦忍唔住在facebook「讚」他叻仔。「我認識嘅周柏豪係叻仔嚟，好有志氣，未紅嗰陣已經好想做余文樂，跟得好貼，甚至想超越佢。今日佢終於做咗，樂仔你要加油呀！」
今年36歲的周柏豪，之所以被阿澤寸他做copycat跟貼余文樂，事關余文樂當年搞球隊並成立橫洲工業籃球隊，周柏豪與他既是兄弟又是隊友，後有指周柏豪偷食余文樂細妹，導致二人反目成仇。兄弟擘面後，有傳周柏豪更加視對方為假想敵，認為自己條件不比余文樂差，見對方在大陸撈到風生水起，為了打響知名度，決意跳入電影圈，即使他擔正的電影大部份票房不濟，但勝在片酬低，對比收400萬一部片的余文樂，30萬起跳的周柏豪任使任用，因此依然有老闆肯制。
為了與余文樂拉近距離，當年周柏豪更有樣學樣，全方位跟足，余文樂2011年成立品牌Common Sense（CMMS），2014年再推出品牌MADNESS，周柏豪亦跟到貼，同年成立自創時裝品牌XPX。為了撼余文樂的橫洲工業，更試過自組新球隊Power Gingers（老薑）。不過，較余文樂遲7年入娛樂圈的周柏豪，即使樣樣抄到足，但至今仍未成功打入大陸市場，只可以淪為A貨。如今表忠這件事，居然成功超越余文樂，難怪連阿澤都要出post「讚」他，樂仔係時候要發力
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|