掃呢頁CODE去手機

2016年2月4日 星期四

王馨平心掛掛 [壹週刊 - 1352] __,馨平,王馨平,M1,

同你吟一吟王馨平心掛掛為咗高齡母親健康,每個月都會單拖飛泰國拜四面佛嘅王羽,早排喺當地機場暈咗,事後送院證實中風,仲緊急做咗兩次開腦手術。聲稱狀況OK,目前三姊妹輪流飛泰國睇住老豆,稍後再安排醫療專機送王羽返台灣嘅王馨平,上星期三(一月二十七日)現身銅鑼灣時代廣場,只見佢邊行邊講電話,其間更一度停低,企埋一邊講足半個鐘,相信係同响泰國嘅家人,跟進最新進展。老豆出咗事,返香港回氣嘅王馨平一臉掛心,還 ...


同你吟一吟

王馨平心掛掛

為咗高齡母親健康,每個月都會單拖飛泰國拜四面佛嘅王羽,早排喺當地機場暈咗,事後送院證實中風,仲緊急做咗兩次開腦手術。

聲稱狀況 OK,目前三姊妹輪流飛泰國睇住老豆,稍後再安排醫療專機送王羽返台灣嘅王馨平,上星期三(一月二十七日)現身銅鑼灣時代廣場,只見佢邊行邊講電話,其間更一度停低,企埋一邊講足半個鐘,相信係同响泰國嘅家人,跟進最新進展。

老豆出咗事,返香港回氣嘅王馨平一臉掛心,還好佢講電話時偶然亦面帶笑容,可見王羽暫無大礙。講完電話,王馨平走入 city'super兜咗個圈,心掛掛,乜都買唔到!

走咗入時代廣場傾電話嘅王馨平,講足半個鐘,一臉凝重嘅佢偶然會露出笑容。

下午三點幾,根本冇心機行街買嘢嘅王馨平,離開時代廣場後去咗位於跑馬地黃泥涌道嘅紀利華木球會飲下午茶。

每月會單獨去泰國還神嘅王羽,早前喺當地機場中風暈倒。

撰文:八珍


鍾意就快D Share啦!