2016年2月4日 星期四

36歲關心妍恨到 猴B Coming Soon __,關心妍,

36歲關心妍恨到猴BComingSoon現年36歲的歌手關心妍(Jade),終於由「關家姐」升呢做「關媽咪」,恭喜恭喜!Jade與老公楊長智(Jonas)結婚七年,一直恨生B,更試過偏方飲足一年紅棗水,今年終如願成功造人!昨日她在微博公開佗猴B的喜訊,現時懷孕三個半月的她,預產期為七月底,並揚言想第一胎生女,做真正MadeInHongKong的「關家姐」,更要生夠兩個先收工!結婚七年的Jade一直 ...


現年36歲的歌手關心妍(Jade),終於由「關家姐」升呢做「關媽咪」,恭喜恭喜!Jade與老公楊長智(Jonas)結婚七年,一直恨生B,更試過偏方飲足一年紅棗水,今年終如願成功造人!昨日她在微博公開佗猴B的喜訊,現時懷孕三個半月的她,預產期為七月底,並揚言想第一胎生女,做真正Made In Hong Kong的「關家姐」,更要生夠兩個先收工!

結婚七年的Jade一直恨生B,終於如願以償佗猴B。

「肚凸凸」的Jade與老公Jonas十指緊扣,拍下「一家三口」合照。

人稱「關家姐」的歌手關心妍(Jade),終於可以改口叫佢做「關媽咪」喇!現年36歲的她,2009年下嫁金融才俊楊長智(Jonas)後一直努力造人,當時Jade曾揚言3年後將停工專心造人,恨生B的二人更出盡法寶,婚後一直不設防造人,又雙雙進食貴價補品,去年更自爆要飲足一年紅棗水。惟壓力因素影響,Jade的肚皮一直未有「喜」息,雖然Jade未能如願一擊即中佗B,不過礙於宗教信仰,身為基督徒的她未有考慮人工受孕,決定靠自己的努力懷孕。

肚凸凸晒三口照

今年是Jade與Jonas結婚踏入第七年,兩人日前終於造人成功,昨日她在微博親自宣布懷孕喜訊:「很想很想和大家分享這份喜悅。感謝主!新一年,家裏多了一位小成員呢!」並上載一張與老公齊齊拎住猴子公仔的照片,相中寫上「Monkey baby coming soon」,暗示佗猴B。其後她又晒出未有遮肚及上圍升Cup的照片,一向身形纖瘦的她表示現在肥了7磅,並「肚凸凸」與老公十指緊扣拍下「一家三口」合照,Sweet到爆!

榮升「關媽咪」的Jade其後接受本報電話訪問時透露說:「依家有咗三個半月,開始肚凸凸同緊張,預產期係七月尾。(人工受孕?)唔係。(順產?)未諗,生到會順產,睇到時情況,係一個好大課題。(Made In Hong Kong?)應該係,因為去年十月做完澳門演唱會就開始努力。(老公有咩獎勵?)唔使我應該幫佢生BB。(可以做大帝狂點老公喎!)唔會,我照做嘢,都會煮飯。」

希望生女再生仔

因過去多次「食詐胡」,所以Jade坦言知道佗B後,未有即時向家人及唱片公司報喜:「知道有咗都好開心,因為試過好多次失望同食詐胡,知道後都唔敢同屋企人講,想穩定啲到三個月先講。(媽咪都唔知?)唔知,加上佢去美國,佢都係三個月先知。」她又指懷孕頭一、兩個月較辛苦,不時「嘔到七彩」,而工作纏身的她早前惟有向公司以「腸胃炎」作藉口,但現時已度過最辛苦的階段,所以暫時不會叫停工作。

由於Jonas是家中獨子,問到Jade會否想今胎佗「猴子」以傳宗接代,未知腹中孩兒性別的她卻自爆望生「猴女」再生仔:「我同老公都想生女,生完女再生仔,有家姐照顧。」她又提到因懷孕關係,口味有所轉變:「好鍾意食嘅嘢變成唔鍾意食,好似好鍾意飲咖啡,依家聞到都想嘔,順便可以戒埋。」

文:專案組

結婚七年的Jade一直恨生B,終於如願以償佗猴B。

「肚凸凸」的Jade與老公Jonas十指緊扣,拍下「一家三口」合照。


來源 source: http://the-sun.on.cc
鍾意就快D Share啦!
Related Posts Plugin for WordPress, Blogger...