轉咗軚的陳梅馨，當日載住同居密友 Michelle Lee到九龍城。離開娛圈十年的她，零星味！做 TB身邊的女人，唔再注重打扮，變得平凡。
娛樂偵訊
溫兆倫前度 47歲陳梅馨轉愛 TB
過氣女星陳梅馨，因為桃色新聞搞到一鑊粥，亦因此絕跡娛圈。曾被前度溫兆倫公開追討 14萬情債，又試過為姜皓文做小三，被正印金慧英公開數臭，戀情歷盡風霜的她，三年前決定轉軚，與 TB密友 Michelle，過同居生活。
賣過清純又行過性感，轉軚的陳梅馨星味洗得一乾二淨，變成平凡中女。
與 TB開私竇日本菜
現年四十七歲的陳梅馨，被溫兆倫、姜皓文重創後，亦曾跟數名圈外男拍過拖；直至三年前忽然轉性，與 TB密友 Michelle同居西貢匡湖居。
據悉， TB Michelle家境不俗，搞飲食生意的她與黃百鳴、歐陽震華及鄭秀文等圈中人稔熟。
淡出娛圈多年的陳梅馨，有富貴 TB照住下，閒時做網上賣時裝，十分寫意。數年前二人在天后水星街開日本菜「隱泉」，店鋪外觀如密室私竇，平日甚少街客光顧。據了解，身為半個老闆娘的陳梅馨亦甚少出現店鋪，除非圈中朋友訂枱幫襯，才偶然現身招呼。
「其實 Bessie（陳梅馨）好多男人追，到依家都仲係！但佢覺得 Michelle細心又好就得自己，所以佢冇三心兩意；佢哋喺朋友圈好公開，同咗 Michelle一齊後， Bessie都唔使點做，成日出埠度假歎世界。佢哋開嗰間日本菜，其實都係當私竇咁做，方便招呼自己人一齊玩。」知情者說。
轉性改名
日前，陳梅馨駕着平治，與 TB密友 Michelle現身九龍城。淡出十年的她肥咗，無打扮零星味，平凡中女一個！
二人在九龍城打咗個轉，兩手空空返上車，之後直接返回西貢寓所。
據陳梅馨駕駛的平治資料顯示，車主登記是陳美彤，過去她也曾改名陳明君。轉咗性，名都改埋！
與李嘉欣同屆
88年參選港姐的陳梅馨（左一），同屆冠軍是李嘉欣。落選後的她在大台發展不俗，憑清純外表在經典劇《壹號皇庭》系列飾演「關靜」一角最為人深刻，之後《河東獅吼》飾演「琴操」後，因受溫兆倫的情債官司影響，離開娛圈到英國求學散心。 2000年轉向影壇發展兼轉走性感路線，但發展不順， 04年拍完電影《第六感賭神》， 05年便絕跡公開活動。
情傷轉性
陳梅馨疑不堪受情傷壓力，近年中途轉「性」愛 TB，其實圈中也有不少女星突然轉方向，揀同性做伴侶。
撰文、攝影、攝錄：娛樂組
|
鍾意就快D Share啦！
|
|
|
