娛樂偵訊
余文樂撻着 林峯爆乳前度劉羽琦
近年幾乎長駐內地的余文樂，前度黃伊汶、 Kary吳雨霏均先後做人妻，樂仔亦唔執輸，在北京跟曾與林峯拍拖的 34C內地爆乳女劉羽琦撻着，二人行埋接近半年，不過男方唔想將戀情公諸於世，為免見光死，劉羽琦惟有配合，再做隱形女友。
貪靚仔
一三年跟吳雨霏甩拖後，余文樂只跟在電影《赤道》合作過、被指貌似黃伊汶的內地演員馮文娟傳過緋聞，過去一年，不時中港兩地走的他，早前在北京拍新片《悟空傳》時，原來一直有女陪開工。
「其實樂仔一向都好多女埋身，但自從嗰次俾個𡃁模擺上枱，將兩個人嘅情慾對話公開後，佢就學精咗，唔會隨便影相，亦唔可以公開拍拖。佢哋係去蒲識嘅，羽琦覺得樂仔好靚仔，主動示好，兩個可謂一拍即合；樂仔以前開完工就即刻返香港，依家因為同羽琦一齊，有時唔使開工都留喺北京。」知情者說。
被隱形
被前度林峯收埋的劉羽琦，同余文樂半年，一樣要被隱形。
「樂仔好避忌，就算身處北京，出街都會搵朋友做掩護，以防萬一。樂仔上年十一月返香港，羽琦都唔敢跟埋返嚟，寧願留喺北京等，佢好鍾意樂仔，所以真係好就佢，樂仔都同啲 friend講，同羽琦一齊好放心。」知情者說。
港男愛國貨
強國妹性格主動又進擊，加埋副偈無論係天然抑或加工，都一副戰鬥格，唔少圈中食女高手，都被臣服於強國妹手上。
撰文、攝影、攝錄：娛樂組
來源 source: http://hk.next.nextmedia.com
|
鍾意就快D Share啦！
|
|
|
