熱爆娛樂: 紀念變暫別個唱　謝安琪追 B停工一年 [壹週刊

2016年2月4日星期四

紀念變暫別個唱　謝安琪追 B停工一年 [壹週刊 - 1352] __,謝安琪,M1,

娛樂偵訊

紀念變暫別個唱　謝安琪追 B停工一年

4月紅館開入行十周年紀念演唱會的謝安琪（ Kay），宣布原定的十場內地巡唱要延遲舉行。自從去年 11月被前愛港力召集人陳淨心狙擊，黃安又咬住唔放，內地工作全被延期的 Kay決定聽老公話，養好身體， 5月開始全面停工追 B，令十周年紀念個唱變成暫別樂迷演唱會。

避一避風頭

雨傘運動期間，因為帶同物資現身金鐘佔領區，又唱過《雞蛋與羔羊》而成為陳淨心及黃安狙擊對象的謝安琪，星期日為四月舉行的世界巡迴演唱會香港站造勢，同時宣布在內地巡唱的十場演唱會要延遲舉行。

「舊年十月傾好搞內地巡迴，但撞正黃安啲人咬住唔放，風頭火勢，為免喺內地開騷有人嚟搞事，所以主辦單位決定無限期押後；敏感時期，寧願避一避，當放假休息。」知情者說。

離開記者會，助手陪住 Kay重返山林道公司舊址，拍低十年前初出道時的工作環境作為紀念。

越被狙擊，反彈力越強。據知阿 Kay演唱會兩場門票，尤其 16號那場的最貴及中價座位只賣剩單邊位。

個唱記招上，好友方大同亦有現身支持。

老公在影圈發展愈來愈好，今年便有兩個最佳男配角提名，跟張家輝合作的《陀地驅魔人》是其中一部。

謝安琪跟 Juno合唱的《羅生門》去年熱爆，橫掃不少頒獎禮獎項。

就算點忙， Kay都會抽時間陪囝囝，早前被拍到參加學校旅行。

忽然有假放

內地巡唱嗌停，張繼聰見老婆做完四月香港個唱可以放假，一心想生多個的他提議 Kay放長假，停工養好身體生 B。

「 Louis（張繼聰）喺無綫拍劇後，外面都多咗嘢做，又有廣告又有商演，收入好過以前好多；佢叫 Kay唔好唱住，搞好個身體進行造人計劃，反正兩公婆一早都想再生，而家連個天都配合埋，係最好時機。」

對於四月演唱會後全面停工追 B， Kay說計劃放假一年。

「係，真係休息，想多啲陪屋企人，事業發展愈大，就會愈來愈多嘢做，難得有咁嘅機會，想有一年時間，可以全部俾晒屋企人。（紀念演唱會變暫別？）都可以咁去理解。」謝安琪說。