掃呢頁CODE去手機

2016年2月4日 星期四

麥潔文著皮草碎 [壹週刊 - 1352] __,麥潔文,M1,

兩公婆冇即場幫襯,只係攞走本品牌catalogue,整色整水。同你吟一吟麥潔文著皮草碎鍾意响圓方活動嘅江華,上星期三(一月二十七日)搵埋老婆麥潔文,陪佢行街幫眼睇袋;平日去邊都攞住個布包包嘅佢,行完Berluti再去PorscheDesign,揀啱款試孭照鏡,但似乎都唔啱心水。混吉冇幫襯,但店員照樣笑容滿面,服務態度一流;江華兩公婆亦十分識做,睇完袋再望吓啲錶,仲扮到好有興趣咁,攞埋catalog ...


兩公婆冇即場幫襯,只係攞走本品牌 catalogue,整色整水。

同你吟一吟

麥潔文著皮草碎

鍾意响圓方活動嘅江華,上星期三(一月二十七日)搵埋老婆麥潔文,陪佢行街幫眼睇袋;平日去邊都攞住個布包包嘅佢,行完 Berluti再去 Porsche Design,揀啱款試孭照鏡,但似乎都唔啱心水。

混吉冇幫襯,但店員照樣笑容滿面,服務態度一流;江華兩公婆亦十分識做,睇完袋再望吓啲錶,仲扮到好有興趣咁,攞埋 catalogue走。

至於是日同老公拍拖更嘅麥潔文,專登摷番件 N年前嘅皮草碎外套出嚟著,襯番 chok過劉華嘅江華。想當年老公出軌同鄧萃雯搞埋,麥潔文撲出嚟痛擊小三,跟住又一個人擔起頭家五、六年,捱到仔大女大,簡直鞠躬盡瘁!所以,當日見江華隻手總係掂住老婆腰背,體貼到呢!

江華試袋照鏡,著住件皮草碎幫眼陪買嘅麥潔文,攰到要坐低。

另一日,麥潔文帶埋囡囡去九龍城執藥材,店員講解田七有乜用處時,江華女陳薔天表現興趣。

一支利賓納兩份飲,麥潔文同廿一歲囡囡感情相當好。

撰文:八珍


鍾意就快D Share啦!