掃呢頁CODE去手機

2017年8月22日 星期二

似足《色慾都市》 定欣孖姊妹一字排封街 __,定欣,胡定欣,

索女出巡呀!陳展鵬被爆搭上落選港姐單文柔,前緋聞女友胡定欣雖然冇着落,但卻不愁寂寞,日前她約埋姚子羚、李施嬅和趙希洛等好姊妹開餐,定欣全程表現風騷,不 ...


索女出巡呀!

陳展鵬被爆搭上落選港姐單文柔,前緋聞女友胡定欣雖然冇着落,但卻不愁寂寞,日前她約埋姚子羚、李施嬅和趙希洛等好姊妹開餐,定欣全程表現風騷,不時笑到四萬咁口,期間眾人不時嘻嘻哈哈,引來不少食客眼望望,但她們一於少理,繼續細聲講大聲笑。

她們逗留約個多小時埋單走人,定欣步出時即有粉絲要求合照,她亦有求必應,之後等埋幾位好姊妹出來,四條Queen突然一字排開邊行邊傾,幾乎封咗成條街,加上定欣、姚子羚和趙希洛均穿熱褲,露出白滑長腿,如電影《色慾都市》四位女主角招牌甫士,氣勢十足。之後又有粉絲認出眾人,定欣即拉埋幾位好姊妹大合照,還親自揸機Selfie,極為親民。四女及後各自離開,定欣乘七人車由司機接載返將軍澳寓所。


來源 source: http://hk.on.cc
鍾意就快D Share啦!