掃呢頁CODE去手機

2017年8月22日 星期二

Bob帶三條Queen探老婆 自嘲未見過何B仔 __,Bob,林盛斌,

成張相都充滿愛呀!藝人林盛斌(Bob)昨日喜獲麟兒,太太為他誕下第四位小朋友,仲要係慈姑椗添,真係仲開心過六合彩呀!Bob於下午現身醫院,仲帶埋三個女 ...


成張相都充滿愛呀!

藝人林盛斌(Bob)昨日喜獲麟兒,太太為他誕下第四位小朋友,仲要係慈姑椗添,真係仲開心過六合彩呀!Bob於下午現身醫院,仲帶埋三個女兒一齊探Bob嫂同BB,全程開心到爆!

BB出世激動落淚

Bob接受東網訪問時透露,B仔有七磅重,母子平安,有份入產房的他,見到BB出世一刻登時激動落淚:「之前太太生bb都有喊,好感動,覺得好奇妙,好多謝醫護人員幫手,入到去畀太太支持,叫佢加油,不過佢應該聽唔到,因為佢喪叫喪嗌!」他又指太太患有妊娠糖尿,醫生不建議拖太耐,所以B仔早點出世會較好,原定預產期為八月底九月頭,怕再留在媽媽肚中達八磅時,太太會生得辛苦。

談到Bob嫂的身體狀況,他表示:「健康嘅,佢已經行到,今次係順產,見到BB有何B仔覺得好奇妙,因為未見過呀嘛!」

「呢胎係仔係天意」

他又表示在個人社交網站上有不少人恭喜他追仔成功,但他謂一直沒有這個想法:「我同太太都好鍾意小朋友,呢啲係天意,一家五口嗰陣已經覺得好美滿,後來太太話想生多個,去年話不如再生一個,今次係計劃好嘅,但係仔定女就順其自然」

順產生大半粒鐘搞掂

談到太太患有妊娠糖尿,令人擔心B仔會有糖尿病,他表示目前醫生正在檢查,要睇BB的血糖指數,而太太目前未有大礙。被問醫生可有建議過開刀生?他說:「咁又冇,話之前都自己生今次都自己生啦,過程係痛,但生得好快,大半個鐘搞掂!」至於太太可有需要繼續食糖尿病的藥?他說:「要睇吓醫生點講,希望唔使」

帶埋三個女兒來醫院的他,表示三個女都十分期待見細佬,來到不斷讚細佬靚仔,至於可有輪流抱細佬,他謂:「未,因為怕細菌,細佬要瞓箱,我都未抱呀,一家六口相仲未影!」他又指太太預計兩日後可以出院。

請第三個家傭照顧BB

至於他是否準備停工陪太太坐月?他說:「休息唔到,下星期有talk show,又要拍戲,成個九月都要做嘢,要返內地,加拿大同泰國做嘢,最快要忙到九月尾!」不過他已經請陪月照顧太太,又打算請第三位家傭去照顧BB。


來源 source: http://hk.on.cc
鍾意就快D Share啦!