掃呢頁CODE去手機

2017年8月22日 星期二

險!梁烈唯親述意外經過:避唔切架車 __,梁烈唯,

睇嚟唯唯唔想搵龍哥幫手喎!梁烈唯出席《bigbigchannel滿月宴》活動,昨晚拍攝邵氏網劇《飛虎極戰》時遭車撞倒的他負傷現身,唯唯沒有用拐杖,只是 ...


睇嚟唯唯唔想搵龍哥幫手喎!

梁烈唯出席《big big channel滿月宴》活動,昨晚拍攝邵氏網劇《飛虎極戰》時遭車撞倒的他負傷現身,唯唯沒有用拐杖,只是一拐一拐的行。問到發生意外時經過,唯唯說:「當時拍攝一場簡單嘅追截戲,我畀吳卓羲追捕衝出馬路,原本係我撞到個武師,然後武師撞上車度,大家都試咗幾次,但真正拍攝時發生意外,我避唔切架車,撞咗落架車度,當時下意識用手撳住架車,但過程好快,自己都有啲暈暈哋,之後搵手撳住地下,覺得膝頭好痛,想起身時,現場救護人員衝埋嚟叫我唔好郁,同我做啲測試,之後送院。」

唯唯坦言被撞後右膝好痛,左膝有少許痛,入院照了X光好感恩沒斷骨和裂骨,他又謂:「今日都照埋磁力共振!(有冇嚇親太太?)第一時間嚇親同場嘅吳卓羲同陳凱琳,經過尋晚之後,我愛上吳卓羲,因為佢對我嗰份關懷真係令我好感動,如果我係女仔都會嫁畀佢。」唯唯又指意外發生後都有跟經理人商量怎樣跟家人講,當沒事返到家才發訊息給父母,他謂:「今朝佢哋好緊張,見到我平安都OK,(依家拍攝進度點?)盡量補拍大頭,動作場口可能搵人代替,至於尋日場戲已經OK,只需補番大頭!(連環受傷當黑?)向好嗰方面諗,其實呢啲意外可以更加嚴重,感恩後面有股力量保護我,(搵龍哥?)唔使自己都有啲啟發,做好人就會化險為夷。」


來源 source: http://hk.on.cc
鍾意就快D Share啦!