掃呢頁CODE去手機

2017年8月22日 星期二

【獨家】唐文龍為同志緋聞避見劉永健 寂寞一個人去睇戲 __,劉永健,唐文龍,

現年47歲嘅唐文龍,自從同空姐女友分手後,已經好幾年無拍拖。去年唐文龍同劉永健喺圓方甜絲絲行超市,對方仲手多多掃咗唐文龍背脊一下,hehe味濃。不過, ...


現年47歲嘅唐文龍,自從同空姐女友分手後,已經好幾年無拍拖。去年唐文龍同劉永健喺圓方甜絲絲行超市,對方仲手多多掃咗唐文龍背脊一下,hehe味濃。不過,佢哋早前接受《蘋果》專訪時已經否認咗,唐文龍仲公開擇偶條件......身材好、白雪雪、後生,仲要係女人咁啦。(相關新聞﹕http://bit.ly/2vJ6Lxh)唔知係咪要求太高,唐文龍至今仍是孤單一人。上周四(17日)下午3點3,記者喺圓方...係又係圓方,但今次係唐文龍一個人去睇戲。唐文龍係出名嘅肌肉型男,簡簡單單一件白色有帽拉鏈衫襯灰色運動褲,感覺已經好貼身,全身肌肉好似想爆衫而出咁,除咗胸肌大、pat pat都好翹,加上留咗少少鬚根,真係man到爆!唐文龍今次揀咗韓國電影《軍艦島》,由於未夠鐘入場,佢先去咗大電視睇trailer,之後再到附近買熱狗,期間都有途人認得唐文龍,大讚佢「靚仔又大隻」。睇完場戲,唐文龍就截的士離開。《蘋果》日前致電唐文龍,佢喺電話中嘆晒氣咁話﹕「我老竇打畀我問,係咪鍾意男仔,我都唔知點同佢解釋,真搞笑,搞到我都冇運行,搵唔到女朋友呀,救命!」佢直言為咗避免再令人誤會,已經好少同男性朋友出街,佢話﹕「除咗圈外同學,或者結咗婚生埋小朋友嘅朋友,其他男性都少出,尤其我老死健哥(劉永健),費時大家搞到大家冇運行。我知道佢都幾想搵個女朋友,所以大家各自修行,除咗傾公事之外,就唔見面喇。」文龍話自己好鍾意睇科幻同鬼怪片,所以即使一個人都會去睇,佢苦笑話﹕「一個人睇戲都悶同寂寞㗎,但冇辨法,o依家冇拍拖,只係間中約女仔去街睇戲食飯之類。」佢仲透露稍後會開拍兩部電影﹕「兩部都要男人啲feel,所以要keep住大隻同留少少鬍鬚。」

唐文龍多次否認hehe情,但唐爸爸仍好擔心阿仔「轉性」。(攝影﹕畢紹基) 上周四,唐文龍一個人去睇戲。 入場前去買熱狗。
唐文龍坦言一個人去睇戲,有時都感覺好孤單。
唐文龍同劉永健雖然係好好兄弟,但因為避傳hehe情,所以都避見對方。(資料圖片) 唐文龍最近回流返香港發展,早前與陳敏之拍《溏心風暴3》,大騷爆肌身材。(ig圖片) 唐文龍向來都鍾意健身,遲啲拍兩部電影,角色都要好man。(ig圖片)

來源 source: http://s.nextmedia.com
鍾意就快D Share啦!