熱爆娛樂: 【個肚仲好扁】返加國二人世界香香腹部特寫宣佈有喜？ _

2018年3月10日星期六

【個肚仲好扁】返加國二人世界香香腹部特寫宣佈有喜？ __,香香,岑麗香,

情境題，如果一位結咗婚嘅女明星，影咗張腹部嘅相放上ig，再留言「Hope…」，似唔似宣佈有喜呢？呢條問題，今日真係發生咗喺岑麗香身上呀！

香香同強強結婚兩年，之前兩人趁住農曆新年返咗加拿大探親，順便過二人世界，大把機會造人喎。（新聞連結： http://bit.ly/2DfYh0Y ）點知今日佢就影住個肚，留言話「hope」，好多人都留言恭喜佢有喜，真係充滿希望呀！

但睇真少少，香香其實係一次過上載咗9張相，喺ig到睇，9張相加埋先係一張大相，每張都有留言，而香香只係將一句英文句子拆開嚟，咁啱個「Hope」字就喺個肚嗰張相。香香被問到係咪有咗，佢回覆傳媒時笑住表示：「No ah，total message “hope you enjoy how beautiful today is”」想見到小強強或者小香香，仲要等多陣喇。

精選娛聞，喺晒《娛果》

http://fb.com/appledailyent

	就係呢張相影住個肚，仲要留言話「Hope」，即刻有好多人恭喜佢有喜。	之不過，真相係9張相要拼埋一齊睇，香香都話只係祝大家有個開心星期六。
香香同強強結婚兩年。（資料圖片）	（資料圖片）