掃呢頁CODE去手機

2018年3月10日 星期六

英超Fever:【雙紅會】寸王神級部署 曼聯打殘紅軍 __,曼聯,

(GettyImages、互聯網圖片)睇全場精華:http://bit.ly/2HnB5Am 莫連奴「神級部署」,帶領曼聯打殘死敵利物浦!紅魔鬼於奧脫 ...


(Getty Images、互聯網圖片)


睇全場精華:http://bit.ly/2HnB5Am 

莫連奴「神級部署」,帶領曼聯打殘死敵利物浦!紅魔鬼於奧脫福迎戰紅軍,憑拉舒福特上半場梅開二度,奠定贏波基礎。福仔兩個入波,都同盧卡古二傳有關,絕對係贏波大功臣;原來於入波前,寸王已寫定Note,表示一定要倚重盧卡古做二傳、隊友要執佢Second Ball做進攻,最後果然湊效。寸王以行動表示,自己依然係世界頂級教頭。

紅魔鬼於雙紅會有保羅普巴報稱受傷缺陣,領隊莫連奴起用今季甚少踢正選嘅拉舒福特同盧卡古攻堅,結果盧卡古兩次做功臣。14分鐘,曼聯第一個攻勢就得手,門將迪基亞大腳斬前,盧卡古頭槌二傳,拉舒福特左路殺入禁區,射遠柱入波。24分鐘,盧卡古再度接應迪基亞高波,跟手交畀桑馬達,禁區內撞吓撞吓,再次去到拉舒福特腳下,福仔輕鬆射成2:0。當地電視台一直捕住莫連奴,寸王於第一個入波前寫定Note,話明要以盧卡古做進攻第一點,之後盧卡古果然完美贏晒對手中堅洛夫蘭,睇到寸王有幾犀利。

換邊後紅魔縮後專心打反擊,利物浦三叉戟受制於大巴陣冇乜料到,其中沙拿面對重重圍困,戰鬥力被減至最低。紅軍靠一個烏龍波破蛋,66分鐘,文尼左路出波,艾歷拜利凌空一踢,點知個波撞正左腳腳踭彈入,紅軍靠老烏追番粒。寸王見被對手追成較接近比數,即刻換入費蘭尼,以防對手角球攻勢,效果非常不俗。到完場前7分鐘,費蘭尼於禁區內撞跌文尼,但球證冇畀12碼,最後曼聯以2:1贏波,領先利物浦5分,聯賽二哥位穩陣。

即上英超刨績王:http://win.on.cc/epl 

Go Go 開波 GOAL DX 策略手遊

贏盡100萬現金獎賞

https://goo.gl/irtKhK 

東網體育FB同你追實體壇每個精彩時刻!

http://bit.ly/2ecTF2A 


來源 source: http://hk.on.cc
鍾意就快D Share啦!