2018年3月10日 星期六

【狗仔出更】熊貓海豚變紅娘?林峯聞新戀情:唔好煩我喇! __,林峯,

38歲嘅林峯同吳千語拍拖5年,最近由屢傳婚訊變分訊,不過兩個當事人都未有為事件表態,每次阿峯出席活動都被問到呢件事,佢只係話大家間中有聯絡,之後又會轉 ...




38歲嘅林峯同吳千語拍拖5年,最近由屢傳婚訊變分訊,不過兩個當事人都未有為事件表態,每次阿峯出席活動都被問到呢件事,佢只係話大家間中有聯絡,之後又會轉話題講公事,而吳千語嘅回應亦係一樣,佢話:「o依家工作對我嚟講好緊要,真係冇乜時間,總之工作為主。」(新聞連結:http://bit.ly/2Dh0XMc)

究竟林峯嘅感情生活係點樣,真係一個謎,不過更加謎嘅地方,就係噚日有讀者透過「爆相爆片」見到林峯現身海洋公園,佢身邊除咗有爸爸媽媽之外,仲有一個身型高䠷嘅女仔,成個格局好有相睇feel,之後《蘋果》喺海洋劇場附近見到林峯,嗰陣除咗林峯之外,仲有林峯嘅父母、嗰個身型高䠷嘅女仔、女友人,同埋兩個中年婦人,一行7人坐低睇表演。唔知林峯係咪好少睇,所以見佢睇得好投入,只係間中爸爸媽媽傾偈,之後佢哋又行咗去睇水母同埋行海洋館,經過啲攤位仲會掟吓波玩吓遊戲!

唔知係咪行得太多路嘅關係,其間聽到啲長輩話想離開,不過林峯安撫佢哋話:「一場嚟到,睇埋先喇!」行完冇耐佢哋一行7人排隊坐纜車,但係林峯全程同嗰個身型高䠷嘅女仔保持距離兼避忌,只係喺人少嘅地方先傾偈,排咗差唔多一個鐘先上到纜車返落山,林峯嘅爸爸終於頂唔順話要離開,最後得番林峯帶四個女性繼續玩!

大約去到5點零左右,林峯準備離開海洋公園,之後記者即刻上前影相,聽緊電話嘅林峯好淡定咁俾大家影相,問到係咪有新戀情,林峯話:「唔係,全部都係親戚,我爹哋媽咪啱啱先走。」再問係咪新女友嘅時候,佢身邊一個女親友搶住話:「我係佢女朋友咁好呀?」跟住再問林峯有冇新戀情,佢就話:「哎吔!唔好煩我喇!你哋唔好影佢哋!」之後叫同行女友人送佢哋返去先,再自己一個人走。

反而嗰個身型高䠷嘅女仔反應比較大,用絲巾包住自己塊面兼左閃右避,搞到要同行中年婦人扶住佢落樓梯,之後索性戴咗頂太陽帽遮住自己塊面。經過一輪追問,佢未有透露同林峯有乜嘢關係,再問到佢哋有冇機會時候,身邊嘅中年婦人用普通話講冇機會,本來林峯準備咗七車人接送,不過佢哋最終都係行到去的士站排隊等的士,而林峯亦都有七人車唔坐,寧願自己行去搭的士,不過行到咁上都要wechat話:「叫佢哋唔使避,仲乜事啫!」最後大家各自上的士走人!

對於林峯疑似相睇一事,今日《蘋果》向林峯經理人公司了解,佢嘅經理人只係話:「感情事唔回應喇,希望俾啲空間佢喇!」

精選娛聞,喺晒《娛果》

http://fb.com/appledailyent

攝影:徐錦池、孔志豪、梁繼光、黃曉程 林峯陪屋企排隊等咗一個鐘頭纜車。


唔知呢個係唔係林峯嘅新歡呢?
行行吓幾好傾喎!
去到人多嘅地方好避忌!
林峯話係同親戚去玩!


一見到鏡頭即刻遮面。
左閃右避咁上車!
林峯同親戚各自走!

鍾意就快D Share啦!
Related Posts Plugin for WordPress, Blogger...