掃呢頁CODE去手機

2018年10月5日 星期五

【14歲康堤撐場】徐濠縈時裝店全線結業 實體、Online店一次過摺晒 __,康堤,徐濠縈,

攝影:陳俊強
徐濠縈位於銅鑼灣嘅時裝店,今晚舉行結業派對。14歲囡囡康堤都嚟咗撐媽咪場,見阿徐就喺舖頭忙招呼客人,同佢哋影相留念。徐濠縈話今晚係Fridaynigh ...


徐濠縈位於銅鑼灣嘅時裝店,今晚舉行結業派對。14歲囡囡康堤都嚟咗撐媽咪場,見阿徐就喺舖頭忙招呼客人,同佢哋影相留念。徐濠縈話今晚係Friday night,等啲熟客同朋友放工就嚟玩番晚。



眨下眼康堤已經同媽咪一樣咁高,甚至高過媽咪,擺pose影相亦非常專業。不過今晚就未見Eason到場,反而係Eason fans——蔡穎恩就有到。問佢係咪同阿徐好熟?佢就話:「佢哋好好,我有活動佢哋會借衫畀我,我好鍾意佢老公,係Eason粉絲,如果我去買嘢,阿徐都會畀折頭我,而且有啲活動都會邀請我。」



「0依家佢哋結束實體店,我都會支持佢哋online店,知道阿徐有個品牌,賣啲首飾嘅嘢,陳嘉寶嘅小朋友出世,都會送條手鏈畀佢。」但蔡穎恩話因為未知BB性別,所以都未知送乜嘢顏色:「o依家都係6個幾月,到時可能佢開party篤o個啲氣球公佈性別。」但問佢會唔會做契媽?佢就話:「唔會。我個人太輪盡,同埋做契媽壓力好太,將來BB叫我姐姐就好啲。」



蔡穎恩似乎真係阿徐嘅忠實顧客,但問番阿徐係咪真係結束實體店、主攻online店呢?「唔係呀!一次過閂!因為我想唞一唞take個break。」



阿徐續稱:「其實呢個諗法上年已經決定,只不過上個月大家先至知道。我一年前開始安排。之後我會陪個女去外國讀書都未定。」阿徐話陪個女時間多咗,又可以去滑水,啲工作手尾會交畀同事。



精選娛聞,喺晒《娛果》

http://fb.com/appledailyent



攝影:陳俊強 阿徐想唞take一個break,一次過閂晒實體店同online shop。 阿徐想唞take一個break,一次過閂晒實體店同online shop。
佢透露一年前已經開始安排。

佢透露一年前已經開始安排。
康堤都有撐場到,仲同媽咪好chok咁影相。

康堤都有撐場到,仲同媽咪好chok咁影相。
阿徐考慮會陪阿女去外國讀書。

阿徐考慮會陪阿女去外國讀書。
蔡穎恩

蔡穎恩

鍾意就快D Share啦!