掃呢頁CODE去手機

2018年10月5日 星期五

【由抖音美女到《延禧》醜宮女】珍珠外表落差大 Fans認為係網絡詐騙 __,《延禧》,

《延禧》有個角色,戲份幾乎由頭帶到尾,而且經常出現喺主角身邊,但偏偏存在感低、唔起眼。佢,就係珍珠。不過,飾演珍珠嘅張天韻喺抖音界係大紅人,粉絲人數超 ...




《延禧》有個角色,戲份幾乎由頭帶到尾,而且經常出現喺主角身邊,但偏偏存在感低、唔起眼。佢,就係珍珠。不過,飾演珍珠嘅張天韻喺抖音界係大紅人,粉絲人數超過200萬。

難怪佢fans多,畢竟外表出眾,誇張啲講,同劇中珍珠簡直有天壤之別。唔講,真係以為兩個人嚟架!所以,部分本來支持張天韻嘅抖音fans,見到《延禧》珍珠個樣有落差之後,覺得係詐騙係喬裝,學黃子華話齋:「你個樣講大話,你塊面令到我思覺失調呀!」於是倒轉槍頭指責佢大面、肥胖又醜樣。

被網民抨擊,張天韻回應:「對不起珍珠,我可能把你演胖了。都怪我吃太多肉夾饃和涼皮,我活該!」透過自嘲贏得唔少掌聲。或者誠如部分網民所講,珍珠唔靚,其實都係角色設定需要啫,因為珍珠係個善良無機心嘅人,自然唔會花枝招展惹人注目,更能襯托出佢身邊嘅重要角色。

雖然珍珠唔吸引、唔搶眼,但絕對係個討好角色,因為佢實在善良,幫瓔珞好多:由瓔珞初入長春宮被其他宮女欺凌,得佢會幫瓔珞講好說話;當令妃失寵,宮女太監走得就走嘅時候,佢選擇留低延禧宮陪令妃共患難。所以,明玉死咗後,延禧宮掌事宮女自然非佢莫屬。直到令妃身中緬甸屍蟲劇毒後「托孤」,都係「托」俾珍珠,果然係「人善天不欺,簡單一個道理」--《如果有一天》劉德華。

立即下載Apps,隨時隨地睇盡時政專題、深度偵查、娛樂熱話!按此連結:http://bit.ly/next28app

鍾意就快D Share啦!