掃呢頁CODE去手機

2018年10月5日 星期五

【飛魚理財】方力申父子炒股輸百萬 「飛魚」以前靠消息掃創業板 __,方力申,

方毓仁笑言,屋企其中一樣興趣就係股票,全家人一齊買股票,一齊輸。
方力申,一個一家熟悉的游泳健將兼男藝人,原本「飛魚」踏足股票市場,幾乎損手離場成為笑柄。方力申是這樣,方氏一家亦曾倒錢落海。方爸方毓仁笑言,「屋企其中 ...


方力申,一個一家熟悉的游泳健將兼男藝人,原本「飛魚」踏足股票市場,幾乎損手離場成為笑柄。方力申是這樣,方氏一家亦曾倒錢落海。方爸方毓仁笑言,「屋企其中一樣興趣就係股票,全家人一齊買股票,一齊輸!計完數後,嘩一聲,成一百萬無咗!」



方力申從小接受游泳訓練,曾於2000年雪梨奧運創下二百米背泳及四百米個人混合泳兩項香港紀錄,退役後轉型成藝人,亦拍攝過多套膾炙人口的電影及歌曲,,事業無往不利,但他的理財經歷亦不順暢,新近方力申父親方毓仁新開畫展,二人大談起多年來的故事。



年少氣盛,方力申感言,新人踏進社會,當然想做老闆及發達,而且是一步登天那種發達,不是循序漸進,所以當時有錢便買股票。當時心態驅使,全靠消息買股,入的亦是8字頭的創業板。方指「一出微信,我本來想買,出IPHONE嘅時候,我都有買過蘋果,跟住好快就賣咗,TESLA個陣時我都想買 咩都想買!」惟當股份升的時候,認為未賺夠,沒沽,跌的時候,又不捨得割愛,最終輸掉很多金錢。



坐在邊旁的方爸聽畢笑說,「屋企其中一樣興趣就係股票,全家人一齊買股票,一齊輸!」他指曾經個股災,經點算後,「嘩一聲,成一百萬無咗!」,最深刻的也是,曾經購入過佳寧的股份,其市值更跌至零。



發達亦要起動資金,對於他第一桶金,方爸坦言,不曉得他的第一桶金何時取得,但可以肯定他約10歲時,已不需我們負擔。譬如說他游水太好,我們不需交學費,後來又有精英運動員津貼,就讀港大時亦有津貼及獎學金,所以「佢好後生個時,已經開始搵錢。」



方力申直言,第一桶金絕對是入行後賺得,但現時已經花光,因為「男人有錢就身痕,男人又鍾意儲野!」所以當我儲了1萬元,買對波鞋便花光,儲到5萬元, 買幅畫耗盡,儲到10萬元,一架電單車便清袋,那麼我怎儲七位數去買層樓。



談及儲東西,方爸興起大言,「佢最鍾意就係買乜儲乜,鍾意乜就儲乜,就鍾意買野,三歲定終身,」他幾歲已經有儲簽名的習慣,又玩具到球衣,泳帽,樣樣皆備。曾經要搬家,整理他房屋的東西時,見到「MICHAEL JORDAN簽名、KOBE BRYANT簽名、菲比斯簽名嘅游水褲或者泳帽」,你又不能說他是垃圾,想拋亦拋不掉。



家中琳琅滿目的簽名物品,對某種人來說亦是一類藝術品,而方力申亦就一個年輕收藏家,方力申指,相比起股票及物業,藝術品很獨特,最重要是喜不喜歡那樣藝術品,不要從錢看,「有啲人就剩係睇潛力、但我就會揀真係自己鍾意,就算佢將來唔值錢,我都唔會覺得好心痛,因為我真係鍾意,想日日見住佢,因為佢係獨一無二咁樣!」



記者:黃朗鈞

攝記:鄒潔珊



方毓仁笑言,屋企其中一樣興趣就係股票,全家人一齊買股票,一齊輸。 方力申指,「男人有錢就身痕,男人又鍾意儲野!」很難儲錢。 方力申指,「男人有錢就身痕,男人又鍾意儲野!」很難儲錢。

鍾意就快D Share啦!