現年51歲的魏駿傑，08年跟年輕19歲重慶大學生張利華結婚，二人婚後育有一女Jessica，不經不覺已經8歲。不過，魏駿傑跟老婆結婚11年來屢傳婚變，繼張利華早年被傳媒拍得與前港隊單車手鄧宏業親密約會後，3個月前又有報道指張利華「唔黐家」，經常拋下老公、囡囡到歐洲和東南亞旅遊。
《蘋果》記者連月來在魏駿傑西貢家等候，未見張利華影蹤，湊女、買餸工作都是由魏駿傑一腳踢，令人懷疑二人婚姻亮起紅燈。
日前中午時分，魏駿傑駕車離開西貢寓所到附近會所，估計他是到會所運動。大概數小時後，魏駿傑駕車與囡囡到西貢市中心超市買餸，由囡囡推住迷你購物車，見Jessica穿上daddy超大件的深色外套，不時蹺住daddy臂彎行，父女感情十分要好。戴住黑超及踢住拖鞋的魏駿傑，先後買蔬菜、肉類、零食和日常用品，他揀好食物後將食物放進購物車，由囡囡負責推車，兩父女十分合拍。而當日碰巧超市有試食counter，囡囡試食後都有叫daddy買給她，父女前後在超市逛了近半小時後返回寓所。
數日後下午，記者又發現魏駿傑孖住囡囡出街，當日他打扮跟超市買餸時幾乎一模一樣，穿上同一件灰色tee恤襯黑色短褲，及同樣戴住黑超。魏駿傑駕車接載囡囡由西貢寓所到土瓜灣一商業大廈，原來Jessica讀暑期精讀班，魏駿傑放低囡囡上堂後，到附近coffee shop坐着等候，其間跟店員有傾有講，大概一小時後，他才折返大廈接囡囡放學回家，可算是廿四孝爹哋一名。而至數日後記者再次等候，亦只見魏駿傑下午時分在外買餸返家，太太張利華完全不見影蹤。
其實4年前有傳張利華跟前單車手鄧宏業街上親密後，有報道指魏駿傑為挽救婚姻而花1,600萬購入西貢獨立屋冧妻，前年魏駿傑與友人在西貢投資的餐廳開幕時，夫婦二人在傳媒面前曬恩愛當眾錫錫，而當日魏駿傑更表示西貢獨立屋已加了太太名字說：「層樓已經係佢名喇喎，我得番衫鈕咋。」想不到魏駿傑與張利華恩愛了一陣子後，張利華又故態復萌頻頻拋下老公與囡囡不顧。
採訪、攝影：徐錦池、孔志豪、黃曉程、陳俊強、梁繼光
------------------------------
【每周送10萬】
升級壹會員獨家尊享，立即參加10萬火急大抽獎!
*推廣生意的競賽牌照號碼：52302-9
| | | |
| | | |
| | | |
| | | |
| |
|
鍾意就快D Share啦！
|
|
|
