民陣前日發起「8.18維園流水式集會」有170萬人參加，警方喺西環一帶嚴陣以待。當中一位着白衫嘅女警，因為貼身衫盡現驕人身材，成為網民焦點。一向留意時事動態嘅杜汶澤似乎「不值」網民所為，噚日喺facebook用愛將莊端兒反擊，留言：「你班衰仔J咗一日，仲有冇骨氣㗎？又話核彈都唔割，點知一出愛美神飛彈就即跟，唔准諗、即刻答，波波定popo？」仲分別貼出波波莊端兒嘅水着同女警相以供選擇，大部份網友就以過千like波波，大勝popo代表嘅女警。阿澤之後又攞貝依霖泳照單挑，留言：「黃藍是政見，大小是良知！#咁嘅質素都叫做女，咁當我唔識嘢喇。」
火速起底
另外，該位女警火速被起底，網民搵到佢嘅Ig，原來叫Katy。喺呢個公開賬戶有唔少性感泳照，網民對女警評價好壞參半：「政府要民意逆轉」、「Madam着到咁貼身係咪想人留意」、「呢個Madam畀人影過幾次都係着白色緊身Tee」、「着到咁玲瓏浮凸博乜」。有網民聲稱係女警嘅中學同學，貼出舊相指對方外貌變咗，連登仔分享帖文後，直至截稿前，女警嘅Ig粉絲人數由八百幾人升至逾兩萬人，不過有連登巴絲認為大家唔應該follow女警。
撰文：馮仁昭
|
鍾意就快D Share啦！
|
|
|
