掃呢頁CODE去手機

2019年8月20日 星期二

【夏萍設靈】黎明劉華送花圈 契仔林家楝靈堂打點激動落淚:我承諾照顧佢到尾 __,劉德華,劉華,夏萍,黎明,

【夏萍設靈】黎明劉華送花圈契仔林家楝靈堂打點激動落淚:我承諾照顧佢到尾20小時前享年81歲嘅資深影星夏萍,上週與世長辭。生前與子女緣薄嘅佢,晚年由契仔 ...


  • 【夏萍設靈】黎明劉華送花圈 契仔林家楝靈堂打點激動落淚:我承諾照顧佢到尾
  • 20小時前




享年81歲嘅資深影星夏萍,上週與世長辭。生前與子女緣薄嘅佢,晚年由契仔林家楝出錢出力照顧。數年前在家中跌倒後10小時才被發現,之後由林家棟安排下入住老人院。

今日夏萍設靈,林家棟一早到靈堂打點,神情哀傷。圈中唔少藝人如黎明、劉德華及黃秋生亦致送花圈。

林家棟與契媽夏萍相交廿載,佢回憶二人當年喺片場互相爆粗「問候」嘅相處點滴,講到契媽生前交帶過唔想火葬,佢講:「佢話好驚火,所以安排土葬。」

原來今年七月,夏萍中風後身體更差。林家棟:「佢中風後,本身因有糖尿病,又有高血壓,醫生講咗佢咁大年紀,好難再做啲咩大動作,所以只能用藥物吊住,希望佢冇咁辛苦。當時我喺內地開工,我知道後問佢可唔可以捱到我返嚟,佢話盡人事,最後佢捱咗兩個星期。」講到呢度林家棟已激動落淚。

契母子感情勝過有血緣,生前夏萍曾透露擔心自己走後冇人打點後事,林家棟向佢承諾照顧至終身。「我話唔使擔心,我喺度,我可以做嘅就係陪住佢。我話:『叫得你阿媽,你叫得我阿仔,我一定會照顧你到尾……」契仔有情有義,相信夏萍在天之靈好放心。


鍾意就快D Share啦!