2019年8月20日 星期二

【娛樂人物】不甘做藝人被迫陪飲酒何慕詩轉行性治療師 十年救數千病人 __,

何慕詩轉行做性治療師已經十年,接觸過的病人有數千名,能夠幫助到人,她覺得滿足感非常大。
何慕詩轉行做性治療師已經十年,接觸過的病人有數千名,能夠幫助到人,她覺得滿足感非常大。近年不少傳媒要詢問性知識,都會向性治療師何慕詩(Cynthia) ...


近年不少傳媒要詢問性知識,都會向性治療師何慕詩(Cynthia)查詢,其實她曾是藝人,不過Cynthia明白花無百日紅,更不甘做藝人卻被迫陪飲酒,2006年報讀「性健康輔導治療」碩士學位課程,三年後成功轉行做性治療師。Cynthia至今執業十年,接觸過數千病人,她自豪地說:「完全冇後悔轉行,幫咗好多人,令佢哋開心番、舒服番,滿足感好大。」

採訪:比華利

攝影:沈健程

相關新聞:【亞視力捧】主持《六合彩》七年

何慕詩在港擔任性治療師已經十年,轉行前是藝人的她,做過無綫主持,隨後又跳槽亞視,拍過不少劇集,也做過七年《六合彩》主持。2006年,她毅然決定報讀「性健康輔導治療」碩士學位課程,花上三年時間成為性治療師,隨後在港執業,由幕前藝人變成中環儷人。



何慕詩(前右二)曾與林建明(前中)等主持過《今日睇真D》。資料圖片 何慕詩(前右二)曾與林建明(前中)等主持過《今日睇真D》。資料圖片
何慕詩與森美在電影《愛上屍新娘》一齊扮鬼。劇照

何慕詩與森美在電影《愛上屍新娘》一齊扮鬼。劇照
2008年拍攝亞視劇《東邊西邊》時,何慕詩已在修讀碩士課程,她在劇中也是演醫生。劇照

2008年拍攝亞視劇《東邊西邊》時,何慕詩已在修讀碩士課程,她在劇中也是演醫生。劇照

做唔到甘草

Cynthia日前在中環接受《蘋果》專訪,回想當年的決定,原來是受到金像獎影后鮑起靜啟發:「人成長到某一個程度,就會諗吓自己將來,都做咗artist好多年,開始睇自己,可唔可能似鮑姐咁做一個好受歡迎嘅甘草,應該有一段距離。」

Cynthia覺得做藝人有很多事情不能控制:「人哋搵唔搵你,你有冇咁嘅運。我保證唔到老咗人哋仍覺我好OK,我就諗如果做唔到鮑姐咁,我可以做啲乜嘢。」

仍是藝人時,Cynthia到內地公幹,席間被一名內地老闆要求喝酒,她已表明自己身體狀況不宜飲酒,酒精入血會致命:「我以茶代酒,對方仍叫我飲一半酒,我飲一啖都死,仲話要一半,我唔會為呢個工作喪命。對方即黑面拍枱,問我係咪唔畀面,如果我飲得,唔通想將自己擺喺尷尬位咩,好彩導演幫我解圍,但成晚餐飯都尷尬。」

有學識的Cynthia下定決心要轉行做專業人士,目標明確的她最終揀了做性治療師:「全部成年人都好需要sex,有問題嘅人都好多,好多人歸咎『年紀大機器壞,有問題就梗啦』,覺得唔需要去處理,但如果處理得好,唔一定會發生年紀大機器壞。以前啲人唔知點去解決,或者唔想去解決、怕醜唔敢講,我哋呢行就畀到佢哋出路,性事問題其實等同傷風咳,有病咪去睇醫生,好多時心理因素影響較多。」

相關新聞:Steven性上癮「要本人先知」



何慕詩最近也有上ViuTV節目,擔任嘉賓解答性事疑惑。電視圖片

何慕詩最近也有上ViuTV節目,擔任嘉賓解答性事疑惑。電視圖片
何慕詩毅然讀書轉行,是因為鮑姐的啟發。資料圖片

何慕詩毅然讀書轉行,是因為鮑姐的啟發。資料圖片
何慕詩覺得性事問題等同傷風,有病就要睇醫生。

何慕詩覺得性事問題等同傷風,有病就要睇醫生。

有藝人求醫

Cynthia的病人由15歲到70歲不等,男女各半,她說:「唔同年齡,唔同階層,當然都有藝人。」病人最小是僅15歲少男由母親陪同求診,Cynthia說:「男仔同父母表達佢性取向,爹哋抗拒唔肯傾,媽咪想深入了解,佢想我幫佢將囝囝由攣拗番直,我有責任向家長解釋同性戀者心路歷程,令家長明白當事人都承受好大壓力,家人如果唔接受,囝囝只會更辛苦同唔開心。」

轉眼間,Cynthia做了性治療師十年:「睇過嘅病人,數千一定有。我每日睇症6小時,全程要好集中精神。」Cynthia說:「完全冇後悔轉呢行,好開心行咗呢條路,幫咗好多人,令佢哋舒服番,滿足感好大,同做藝人完全唔同。我敢講我一日唔死都仲會繼續做,越累積多啲經驗,人哋對我越信任,冇退休年齡限制。」Cynthia正職是性治療師,公餘都有戲癮,她偶然會客串幕前,但專業形象太深,不時獲安排扮心理醫生或性治療師角色。




鍾意就快D Share啦!
Related Posts Plugin for WordPress, Blogger...