終於都揭盅！
「視后」唐詩詠在將軍澳電視城為新劇《超能使者》拜神，她笑指劇中有不少動作戲，但卻是不停被人打，她笑說：「被打都好考反應，因拍攝唔會真打，所以反應好重要，依家努力練習緊。（擔心被打傷？）拍動作戲無論被人打、打人都好容易受傷，所以為咗拍動作戲都加多咗份保險。」
唐詩詠在母親節預告7月會送神秘禮物送給亡母，她再強調並不是結婚，只是參與慈善工作，詳情稍後再透露。
講到有傳鄭嘉穎再做老竇，她則驚訝說：「係咩？講咗嗱？我唔知道，唔會有啦，有冇咁快？上次出席Grace（陳凱琳）嘅護膚品記招，見佢仲好纖瘦，仲着住高踭鞋，所以唔覺得佢有咗。不過我都想佢哋快啲有，知阿哥鍾意喜歡囡，希望快啲湊成個『好』字，我會叫阿哥努力。」
來源 source: http://hk.on.cc
|
鍾意就快D Share啦！
|
|
|