（新增回應）
李璨琛太太梁志瑩(Pae)為2歲囡囡李元元（Lucy）開Instagram賬戶，讓她成為BB界KOL，但早前有網民質疑Pae視女兒為「搖錢樹」，鬧爆：「父母永遠覺得仔女係自己附屬品！」IG內，除貼生活日常外，還找囡囡為自家品牌童裝做做御用模特兒，又疑接拍廣告等。Pae事後出post表示笑罵由人，會繼續開心每一天，昨日貼Lucy匿在牆角的片段，原來靜雞雞玩水，穿白色小背心玩濕身誘惑，留言：「老母一直以為我在欣賞外面美麗的風景，直到... #知道瀨野即刻嗌爸爸搵救兵」。
而同樣是人氣BB的林芊妤囝囝「伯伯」翟德彥，快將兩歲，Coffee日前在IG宣佈伯伯將會「光榮引退」，代入伯伯的角色：「今日19個月啦，仲有幾個月呢個IG就可以光榮引退，唔駛再活在女魔頭嘅鏡頭下，可以隨心所欲咁出糧飲奶奶 #大佬心很累 #係釋放嘅氣味呀 #條眉都攰啦 #癲奶畀定心理準備大家。」不少伯伯忠粉都表示很不捨，出動喊喊emoji說：「唔好退休呀！大佬你係我嘅精神食糧」。但亦有網民表示支持Coffee的做法，「小孩成長唔需要再在大家目光下，支持」、「Good! 佢有自己私隱同自主權」等。
其實Coffee最初為囝囝開IG賬戶，已表明謝絕一切廣告，只想紀錄一下伯伯的童年，想不到一年已累積約14萬位followers，就連在Coffee的IG賬戶昨日貼了性感泳衣相，亦有人不停問她囝囝在那裏，搞到Coffee最後都要出貼出親子相，並留言：「今日個個都問我bb去咗邊，其實佢一直都在，唔使擔心 #你哋使唔使咁痴纏」。
Coffee今日接受《蘋果》訪問，表示不擔心被指當囝囝「搖錢樹」：「唔怕，因為自己唔係咁。其實一開始已同先傾咗，擺BB出嚟係諗住笑吓，因為佢真係好多表情，0-2歲都係咩都唔識，係個人冇乜思想。但2歲後想畀多啲私隱BB，想佢正常環境下成長，唔想佢有太多關注，我哋最驚係影響佢性格，以為自己好popular、好巴閉，對佢將來發展都唔好。」
Coffee直言最近發現囝囝對鏡頭好敏感，開始知道拍攝是甚麼一回事，她說：「有時搵電話影佢，佢都開始會怕羞，唔會做番off camera做嘅反應，好似知道影咗會有人睇到。其實我哋都唔想佢咁細個太多曝光，只想佢正正常常咁生活，同一般小朋友一齊咁成長。」
-----------------------------
App內1-Click訂閱《蘋果動新聞》
按此了解更多
來源 source: http://hk.appledaily.com
|
鍾意就快D Share啦！
|
|
|