覺得劇情好沉重，睇完外傳就開心番。
無綫劇《殺手》踏入結局篇，連環有人遇害，而昨日一集小秉（林景程飾）亦慘被Parker（謝東閔飾）虐殺至死，不少觀眾都睇到心酸，覺得佢死得好慘同好無辜。
雖然林景程戲份不算多，但角色戇直的性格十分討好，網友都大讚佢好戲。劇中林景程屍體妝容十分逼真，雖然只是出現數秒，但原來用了三小時去化。唔少觀眾睇到呢個特技化妝都不寒而慄，其實林景程以前在劇集《福爾摩斯奶》都試過演屍體，當時佢坦言最難就係眼珠唔郁。
林景程昨日都喺社文網上載一段「小秉最後的自白」短片，「殺人兇手」謝東閔留言話：「睇完條片之後我依家有啲後悔。」龔嘉欣就留言講對唔住，有網友留言話睇到小秉慘死一幕不禁喊了出來，更有提議要拍個番外篇「小秉與May的故事」。
雖然未知番外篇開唔開到成，但早前「See See TVB」上載了一段由林景程主演的《殺手》外傳：《師奶殺手》，片中更有泰臣及許思敏（群姐）共同演出。片中的小秉更扮Zero的造型，最後更與群姐相遇，內容非常搞笑
36歲的林景程在2009年參加《超級巨聲》，之後加入TVB。他在2012年開始拍劇，如《On Call 36小時II》、《四個女仔三個BAR》、《三個女人一個「因」》及《是咁的，法官閣下》等。雖然多年來多是飾演配角，但角色都令眼前一亮。
林景程除了是演員外，亦是一位物理治療師，佢都經常在社交網分享物理治療等訊息，更圖文並荗教網友如何醫治寒背。
來源 source: http://hk.on.cc
|
鍾意就快D Share啦！
|
|
|
