2020年8月6日星期四

【自破不用攻】生日發帖方媛否認係「天王嫂訓練營」猛將 #方媛

【自破不用攻】生日發帖方媛否認係「天王嫂訓練營」猛將

被爆跟潘瑋柏老婆Luna係Amy姐「天王嫂訓練營」手下猛將，方媛則上載一張圖片向網民否認傳聞。(網上圖片)

郭富城老婆方媛（Moka）娃娃臉係靚嘅，就算喺撞樣嘅閨蜜堆入面，都唔輸蝕。但近日Moka就慘被好姊妹所累，話說台灣歌手潘瑋柏日前宣布迎娶26歲「內地最美空姐」兼網紅宣云(Luna)，點知城嫂就被扯落水，傳她同潘瑋柏老婆都係由「天王嫂訓練營」掌舵人Amy姐一手打造，由變靚到提供渠道去出擊，培育成「高質美女」去嫁個有錢人，而呢兩個旗下猛將就正好省靚Amy姐招牌。呢個傳聞，隨即惹嚟網上熱話。

新婚嘅潘瑋柏透過工作室發聲明，強調網民散佈謠言，使用侮辱、誹謗言論進行惡意人身攻擊，對夫妻二人造成惡劣的社會負面影響。

至於天王城城就採取沉默態度面對傳聞，未有回應，就算7月6日係愛妻方媛33歲生日，兩人都冇喺社交網站高調放閃，而城嫂喺微博貼出生日圖，唔少城城粉絲及好友送上祝福，有網友忍唔住留言追問：「網上傳聞是真的嗎？」方媛竟上載一張圖片回應，而相中寫着：「謠言，遇事冷靜不盲從謠言，自破不用攻。」不過就冇具體解釋網上跟Amy姐及Luna等姊妹合照來源。