新婚人妻岑杏賢前日低調嫁加籍金融才俊張嘉俊（Kelvin），不過她在婚後便立即開工，返TVB拍《愛·回家之開心速遞》。岑杏賢今日向傳媒發放照片，並錄音講心情，與大家分享喜悅。
岑杏賢指，由於老公是圈外人，故此一直保持低調，她指婚禮雖然低調又一切從簡，但過程很感動而且難忘。由於武漢肺炎疫情關係，一對新人不能大宴親朋，但當日有40名親友見證，包括男友親友、岑家父母、嫲嫲、岑杏賢的一班姊妹朱千雪（Tracy）、蔣嘉旻（Angel）、湯洛雯（Roxanne）和張嘉兒。
岑杏賢指最難忘爸爸為她蓋上頭紗：「最難忘係爸爸為我放落頭紗，跟住帶我出去行禮，我好感動，見到班姊妹都忍唔住流淚時，我都真係忍唔住喊。爸爸都好感觸、好依依不捨，因為我始終係獨女，所以喺爸爸媽咪眼中都係一個掌上明珠，但係爸爸媽媽同嫲嫲都好開心，當日可以見證到我嘅婚禮。」岑杏賢更指老公接新娘時，突然被要求愛的宣言，他以英文講詞交差，可惜岑杏賢嫲嫲聽唔明，Kelvin只好繙譯成中文版再講一次。
當日拋花球是婚禮的另一焦點所在，岑杏賢指：「我想特別share我拋花球嘅相，因為係一年前Tracy拋咗個花球畀我，令到我今年終於可以成為人妻，所以呢個花球嘅魔力係非常之有意義，我今次拋花球就畀咗Angel，我哋一班姊妹都非常非常之開心，亦都祝福我哋嘅姊妹得到幸福。同埋個花球係Roxanne親手做畀我，當係一個結婚禮物，所以個意義係非常之重大！」
岑杏賢指雖然身份有變，但都會以工作為先，婚後翌日已經返公司開工。講到婚後無休息，岑杏賢坦言老公有詐型，認為她應多請幾日假好好休息，但岑杏賢覺得拍《開心速遞》是team work，所以不想請太多假。問到造人方面，岑杏賢笑言會順其自然，而且無壓力，但與她合演《開心速遞》的演員歐瑞偉及呂慧儀等，就隔空送上祝福，希望她可以早日生B，請大家食薑醋。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|