武漢肺炎肆虐，娛樂圈幾乎陷於停頓，冇戲拍冇騷做，坐困愁城，藝人和前藝人都要自尋出路，劉小慧、梁嘉琪及主播林燕玲（小飛俠）等疫境求生，瞄準市民留家抗疫於網上購物的市場，自資投入做網上生意，貨品種類更五花八門。
孖蘇志威拍片
息影多年的劉小慧去年在社交網教整蛋黃油治濕疹令人氣急升，月前小慧開設生活百貨網店「得閒mall mall」，售賣口罩、珊瑚被、保溫壺及品牌手袋等，由於反應熱烈，曾一度暫停接新定單。成為KOL後，小慧自言做得好開心：「係我搵貨返嚟賣，好嘅先介紹。都遇到問題，好似物流控制唔到、貨存出錯，但基本上順利。」小慧指老公蘇志威非常支持自己，更一齊拍片推銷，「講真，冇諗過48歲，我把口唔係用嚟唱歌，我鍾意講嘢more than唱歌90萬倍，所以我呢刻冇睇錢，總之唔使我蝕入肉就OK。」
唔識fb做宣傳
新任媽媽的前主播「小飛俠」林燕玲，於產前開設網店「小飛俠健康百貨」，網店暫時發售多款健康茶、口罩及消毒棒等防疫用品，她說：「一直好多朋友想我幫佢哋賣嘢，諗諗吓就不如試吓做網店，先唔講賺幾多錢，成個過程有趣又有挑戰性，順應潮流，做落發現好有商機。」她指網店只需要基本月費，每張單支付規定手續費，故最大成本反而是時間，她跟老公及一位拍檔落手落腳做，背後還有隊約五人團隊負責寫文、攝影、物流、網站開發。其間巿場行銷上遇上最多難題：「我第一次嘗試喺fb落廣告，一開始花咗唔少錢，但都搵到適合自己網店嘅宣傳方法。」問到是否薄利多銷？她笑言：「做生意邊個唔想『厚利多銷』，世界邊度咁完美。」
另外，本月初已低調離開無綫的梁嘉琪去年7月跟服裝設計師合作網上賣衫，更以限量發售及走大眾化價錢，她說：「我會影相同喺fb live做宣傳，好私心畀吓自己喜好意見咁，但主力都係設計師。」
採訪：皓騫、陳杰
來源 source: http://hk.entertainment.appledaily.com
|
鍾意就快D Share啦！
|
|
|