好無辜呀！
台灣舞王羅志祥畀前女友周揚青爆佢拍拖時不停偷食，除咗鍾意「多人運動」之外，就連旗下女藝人「蝴蝶姐姐」愷樂都牽涉其中，事件炒得熱哄哄成為大家嘅茶餘飯後話題，估唔到呢件事就連佘詩曼都受到影響！
唔好諗歪呀！唔係講緊阿佘本人，係講緊佢演嘅內地劇《鬢邊不是海棠紅》啫，早兩日呢套劇播出大結局，正常情況下臨尾都會收視上升，不過呢次竟然係下滑！金牌製片人于正喺微博發文解釋話：「說實話我們已經盡力了，奈何最近渣男太多，熱搜忙着給各位女性朋友們提醒防禦，我的就不瞎湊甚麼熱鬧了，畢竟保護女性更加重要對吧？何況戲劇是不會散場的，很快我們就會…」于正監製過唔少爆紅劇集好似《延禧攻略》、《皓鑭傳》等，就連佢都話冇辦法保住收視，就知羅志祥偷食呢單嘢威力有幾大。
來源 source: http://hk.on.cc
|
鍾意就快D Share啦！
|
|
|