2020年5月22日星期五

【流晒鼻血】踏入「三字頭」 36E陳婉衡晒全祼出浴照贈興 #陳婉衡

【流晒鼻血】踏入「三字頭」 36E陳婉衡晒全祼出浴照贈興

陳婉衡全祼出浴照為30歲贈興。

36E「無線咪神」陳婉衡(Alycia)昨日30歲生日，壽星女不忘喺IG派福利，上載全祼出浴照贈興，浸浴中的Alycia身體靠向浴缸邊，甫士巧妙地輕掩上身，但都遮掩唔晒導彈身材，加上她仲出埋「股惑」，性感地翹起美臀，突顯S身型，火辣辣到令人想入非非，唔少網民留言祝她生日快樂同時，大讚她好性感、勁fit、美人出浴圖、黃建東留言話：「留晒鼻血！」、區永權就話：「我諗你嘅忠實粉絲，睇完呢張相之後，應該希望每日都係你嘅生日。」另有網民說：「我硬了！」

原來呢張相係Alycia去年旅行時影落嘅舊相，她接受本報訪問時說：「因為咁啱關注開嘅美國KOL影咗一張咁嘅相，我覺得好靚，所以攞咗佢靈感咁影，都開心有咁多Fans讚好。」踏入「3字頭」，生日願望她同家人身體健康：「今年最重要全世界所有人都健康，疫情快啲過去，一切快啲回復正常，過返啲冇口罩嘅生活啦。不過今個生日好Sweet，老友簡淑兒（Jessica）呃我話約我食飯，其實偷偷地約埋我朋友搞咗個驚喜生日派對，佢仲親自整蛋糕畀我，好驚喜！踏入3字頭都冇乜特別，整體上人大咗，新陳代謝慢咗，好容易肥，食嘢唔可以放肆啦，係要keep囉。」

另一廂，簡淑兒亦上載慶生短片及昔日二人旅行舊照，並留言送上生日祝福：「HAPPY BIRTHDAY TO MY BESTIE!! @_alyciac Wish u ALL THE BEST!!今年冇得一齊去旅行，睇返啲舊相發覺原來我哋都一齊去過唔少地方，你以後每一個生日我都要陪你過！你結婚我要做伴娘！你生B我要做B嘅契媽！如果我哋都決定唔結婚嘅話，就一齊買間姑婆屋，之後再一齊環遊世界！」陳婉衡即回應：「I LOVE YOU BABYYY ，so lucky I can call you by best friend。」簡淑兒還取笑Alycia：「歡迎來到俱樂部30！雖然你看起來只有20歲！我們的行為就像我們只有10歲〜哈哈！」