咁就要開Turbo！
藝人楊洛婷（Rabee’a）出席彩妝品牌活動，上周剛度過39歲生日的她表示，幸好禁聚令放寬，可以有機會出去見朋友，提到老公Tim特別訂酒店與她過二人世界慶生，原本好Sweet，不過她指頂唔順太掛住個女（Tanya），忍不住急call傭人帶囡囡來酒店，她說：「諗住老公冇咁早起身，我帶女去泳池游水，點知老公一早起身，唔抵得我哋兩個游水，變咗一家三口游水。（依家鍾意三人世界多過二人世界？）係！點算好，女好得意好多嘢講，依家我好呷醋，女成日黐爹哋，話爹哋好靚仔，我都要靚吓，我黐個女，女就黐爹哋，早排佢同老公拍廣告，我做阿四，佢依家知道開工就要化妝、整頭和唱歌。」
Tanya現已兩歲，問會諗追多個？她說：「成日諗，係時候認真啲，啲人話咁快生第二個，會錯過同第一個相處，不過冇所謂，自己諗有就有，順其自然。（湊個好字？）我想有個仔，想有個前世情人。」Rabee’a說在疫情下，主持的工作都暫停，她好趁這個時間教女兒學字，已成功教識囡囡英文字母及1至20，甚有滿足感。
來源 source: http://hk.on.cc
|
鍾意就快D Share啦！
|
|
|