近年轉戰內地的葉璇決定轉型做「帶貨女王」，賺到「網上第一桶金」！
藝人於網上「帶貨」早已成為潮流，網店亦愈開愈多，有內地消息指自疫情爆發後，進駐直播的商家增長逾百倍，令網上帶貨氣氛更加熾熱。
一向食腦的葉璇決定加入「直播帶貨」兵團，近月不斷遊走各省市跟商家合作，試過連續40日天天開播，望以「牛力」搶灘，結果成功創下佳績，月銷四千多萬元人民幣的貨品，令她成功賺到第一桶金，殺出新血路！
葉璇直言「直播帶貨」比捱夜開工舒服，最令她開心的是幫到一些在偏遠地區務農的農民：「因為疫情關係，好多農村因為街上冇人流，一班農民唔知點樣去賣出啲農作物，咁我就幫佢哋喺網上銷售啲農作物，同教佢哋點樣直播，等佢哋可以解決定面對嘅問題。」
直播時會邊售貨邊跟網民互動，葉璇笑言最難忘一次是楊怡宣布做媽咪當日：「當時係啲網友話畀我知，我即刻打畀阿怡恭喜佢，同埋咁啱嗰日我係銷售一啲母嬰物品，整咗一大包寄畀佢。」
來源 source: http://hk.on.cc
|
鍾意就快D Share啦！
|
|
|