黃芷晴的媽媽梁潔華於5月因病離世，芷晴經過一輪休息後今日首度投入工作，在中環出席鐘錶活動，同場還有曾樂彤和彭秀慧。芷晴指媽媽離世後的一、兩個月心情最差，但現時自己和爸爸黃日華的心情已平復並且開始工作，她亦覺得自己要開始積極人生，所以早前帶爸爸去學整蠟燭，她笑說：「我好開心，呢樣嘢係我以前好想學，但當時要照顧屋企，去唔到上堂，但而家報咗班，點知爸爸超鍾意整小手工，佢都好有天份，慘喇，日日都要陪佢整，佢好鍾意將啲作品送畀三哥（苗僑偉）、三嫂（戚美珍），佢哋收唔少。」
芷晴坦言很感謝苗僑偉夫婦，這段時間陪住黃日華，「爸爸一向好黐家，驚佢冇乜朋友，佢又唔鍾意去飯局，係三哥撩佢去食飯傾下偈，又叫我哋去佢屋企食飯。」孝順的芷晴希望盡她所能陪住爸爸。問到黃日華有沒有戒煙？芷晴笑了，續說：「佢......唉......佢要努力啲，有時在所難免，我都會體諒佢，但我都要開始督促佢，叫佢多飲水，因為佢之前淨係飲奶茶嗰啲，真係唔係咁健康，不過佢因為要拍嘢，所以做返運動，係fit咗啲。」問到芷晴有否想過找個伴侶？她直言暫時未有準備，認為家人最重要。
曾樂彤佩戴由大會提供、價值6萬多元的手錶，她笑言是人生中暫時最貴的手錶。問到是否有錢都會選擇買磚頭置業？她說：「如果有錢都會買樓，呢個係我目標，因為而家係同媽咪一齊住。」幸好曾樂彤本身是一名「慳妹」，不會胡亂花錢。
此外，彭秀慧現時忙於為ViuTV《全民造星III》擔任導師，她表示看到參賽者對演藝圈的一團火，令她覺得就算比他們行了更多路，但仍要尋找自己的一團火。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
