2018年8月26日 星期日

港姐2018:C1:今晚爭后冠!丁子田冇諗過輸 __,丁子田,港姐,

陳曉華、何泳芍Fit到漏!今晚在將軍澳電視城舉行的《2018香港小姐競選》20位佳麗昨日穿泳裝作最後綵排,丁子田、何泳芍及陳曉華一直被視為大熱,走勢凌 ...


陳曉華、何泳芍Fit到漏!


今晚在將軍澳電視城舉行的《2018香港小姐競選》20位佳麗昨日穿泳裝作最後綵排,丁子田、何泳芍及陳曉華一直被視為大熱,走勢凌厲的丁子田信心爆棚,更大口氣說:「我淨係諗同邊個一齊贏!」身為「本地薑」的陳曉華有信心撼贏對方,而何泳芍憑健康膚色與「蜜桃胸」儲落一班支持者,隨時贏票數跑出,但面臨苦練馬甲線示人的梁致欣狙擊!

20位候選佳麗昨日穿三點式亮相作最後衝刺,展現兩個多月的特訓成果。S楊帆(Krystal)被選中試戴后冠,由雷莊𠒇親手為她戴上,一嘗戴后冠滋味的她笑言不擔心「魔咒」,問到是否希望今晚再戴后冠?她卻說:「我都想,但信心唔係好大,睇到其他人戴都開心。(唔想贏,嚟識朋友?)都識咗一班好姊妹,加上戴過后冠,都算完成任務。」

唔稀罕爭其他獎

同場有幾位佳麗信心十足,包括參選至今一直走勢凌厲的G丁子田(Sara)及Q陳曉華(Hera),兩人夾擊硬撼擁有「蜜桃胸」及健康膚色的N何泳芍(Honey)。Sara自信突出,笑說:「都有信心拎冠軍。(優勝之處?)自己都好Fit,有好嘅身形,有Keep住做運動維持好狀態。」身為大熱的她志在必得,問到勁敵是誰?她說:「冇諗,淨係諗同邊個一齊贏。(拎走冠軍,其他獎由佢哋爭?)都係呀!」同樣Fit爆的Hera則說:「我覺得愈近比賽,狀態愈好!(冠軍志在必得?)我會盡力而為,始終比賽多變數,同埋要睇心情,怕到時太緊張。」提到Sara同樣自信爆棚,她笑說:「佢好有自信,大家有傾偈,我自信心都夠,大家係唔同Style嘅自信。(自信都有分Style?)大家內在同外在都好唔同,佢喺外國讀書,我就係本地女仔。」果然各不相讓!

梁致欣晒馬甲線搶攻

至於另一位大熱Honey是潛水教練,泳裝環節佔有「主場之利」,她直認泳裝上陣較有信心:「比賽都有好多Part,可能職業關係,着泳衣反而自在啲,不過自信都好重要,我要練好才藝,因為見到其他佳麗嘅才藝表演都好好,盡我能力做到最好,最緊要觀眾睇得開心。」擁有一身健康膚色的她自言已有一班忠實粉絲,難怪信心滿滿:「自己嘅膚色同舊年冠軍雷莊𠒇接近,不過我黑少少,相信呢方面都加分,好多人因為咁樣而認得我同報道我,喺社交網都有同路人打氣,相信佢哋會係我嘅忠實粉絲!」

另外,C梁致欣(Jenny)的馬甲線比Honey更搶眼,加上成功谷胸,身形相當吸睛!她透露有請私人教練積極操Fit:「自己有做Gym,但最近綵排太忙冇時間,好彩啲肌肉仲喺度。我對自己嘅身材都有信心,比較鍾意有線條。泳衣會比較有信心,因為有腹肌,令到身形比例同線條靚啲!」

更多新聞,請瀏覽東方日報網頁:

http://orientaldaily.on.cc/


來源 source: http://hk.on.cc
鍾意就快D Share啦!
Related Posts Plugin for WordPress, Blogger...