掃呢頁CODE去手機

2018年8月26日 星期日

《延禧攻略》:《延禧》結局!阿佘入冷宮 傅恒為瓔珞而死 __,延禧攻略,《延禧》,佘詩曼,阿佘,

大結局喇!瓔珞和乾隆大團圓結局!掀起中港台煲劇潮、內地點撃超過130億嘅內地劇《延禧攻略》,今晚播出大結局,最終被袁春望施計落毒嘅瓔珞,好彩有傅恒搵到 ...


大結局喇!


瓔珞和乾隆大團圓結局!掀起中港台煲劇潮、內地點撃超過130億嘅內地劇《延禧攻略》,今晚播出大結局,最終被袁春望施計落毒嘅瓔珞,好彩有傅恒搵到解藥而冇事,乾隆仲封瓔珞為皇貴妃。

乾隆同瓔珞依然繼續打情罵俏,乾隆話要瓔珞親口多謝佢,因為升咗佢做皇貴妃,仲要迫瓔珞講一生最愛係佢。但瓔珞保持玩嘢作風堅持唔講,仲話:「你以國事為先,但你要我以你為做首位,我不會答應你,但我會一生來回答你!」嘩!唔使咁肉麻嘛?

而皇后佘詩曼有咩下場?佢突然發難削髮,喺古代係大不敬嘅行為!原本阿佘係死路一條,但有瓔珞同皇上求情,最後唔使死,但就被打入冷宮,但臨入宮前阿佘要見瓔珞,問點解要幫佢求情!瓔珞話係還人情,因廿幾年前自己暈倒,係阿佘搵太醫救佢,之後阿佘問瓔珞點解皇上一直都寵愛佢,瓔珞話:「先開口的,就是輸家!」

最爆淚位,係一心幫至愛嘅女人瓔珞搵解藥嘅傅恒,因為搵解藥搵到過勞而死,死前傅恒託海蘭察同瓔珞傳話:「魏瓔珞,這輩子我守着你已經守夠了,下輩子,可不可以換你守着我。」而「終極大奸角」太監袁春望,最後冇好結果,變咗癲佬,一世困喺紫禁城!


來源 source: http://hk.on.cc
鍾意就快D Share啦!