掃呢頁CODE去手機

2018年8月26日 星期日

英超Fever:【不斷更新】C朗轉身抽射 對方門將撲出 __,C朗,基斯坦奴朗拿度,

(法新社圖片)【01:34】C朗近門得機,可惜右腳射空氣撞左腳彈橫,隊友文迪蘇傑補中,祖記領先2比0。【01:30】C朗禁區頂轉身右腳勁射,被對方門將 ...


(法新社圖片)


【01:34】C朗近門得機,可惜右腳射空氣撞左腳彈橫,隊友文迪蘇傑補中,祖記領先2比0。

【01:30】C朗禁區頂轉身右腳勁射,被對方門將史達高沙撲出。

【01:23】C朗禁區頂偏左食胡位置博得罰球,親自主射可惜中人牆,之後接應角球頭槌爭頂未能建功。

【01:12】C朗插花落底傳中,可惜隊友門前未能接應。嘥咗。

【01:07】下半場開始,祖雲達斯領先1比0。

【00:52】半場結束,祖記領先1比0,另邊廂利物浦對白禮頓已開波,穆罕默德沙拿建功,利物浦領先1比0。

【00:42】C朗起腳遠射,但皮球乏力被輕易沒收。

【00:31】祖記攻勢,比真歷禁區頂撞射破網,祖雲達斯領先1比0。

【00:20】祖記攻勢,基迪拉近射中柱,再進攻C朗出埋上帝之手都未能建功。

【00:12】拉素出現危險攻門,魯歷勁射,祖記門將施捷斯尼僅僅救出。

【00:02】祖記對拉素,賽事展開。

祖雲達斯公布周日(26日)凌晨零時意甲主場對拉素嘅正選陣容,教練阿里基變陣,由上場4231改為433。

祖雲達斯正選陣容(433)

門將:1施捷斯尼

後衞:20祖奧簡斯路 19邦路斯 3基亞連尼 12阿歷士辛度

中場:6基迪拉 5比真歷 14馬度迪

前鋒:33貝拿迪斯治 17文迪蘇傑 7基斯坦奴朗拿度

拉素正選陣容(352)

門將:1史達高沙

後衞:13華萊士山度士 33法蘭斯高阿沙比 26史堤芬拉度

中場:77阿當馬路錫 16馬高柏洛路 6盧卡斯 21米連高域沙域 19魯歷

前鋒:10路爾斯阿拔圖 19恩莫比尼

【23:52】韋碧克近門轉身輕鬆射入,阿仙奴贏3:1完場。

【23:50】韋斯咸前鋒耶莫蘭高門前失機。

【23:43】艾朗藍斯勁射被門將法比安斯基撲出底線。

【23:30】拿卡錫迪背對龍門傳中,省中韋斯咸球員伊沙迪奧普改變方向入網。

【23:17】拿卡錫迪轉身勁射被門將法比安斯基撲出。

【23:14】韋斯咸左路傳中,阿拿奧杜域射門被施治撲出。

【23:05】下半場開波。

【半場完】阿仙奴同韋斯咸上半場打和1:1,雙方今場都好進取鬥攻,希望打開今季勝利之門,相信下半場會再有波入。

【22:41】奧巴美揚勁射僅高出。

【22:38】阿拿奧杜域單刀射入,但越位在先。

【22:31】左閘蒙利爾助攻近門補射入波,阿仙奴扳平1:1。

【22:27】阿拿奧杜域禁區頂起腳,貼柱入網,韋斯咸領先1:0

【22:14】韋斯咸前鋒阿拿奧杜域射門中網側。

【22:12】米希達利恩禁區頂勁射,被門將法比安斯基擋出,艾朗藍斯補射入,但越位在先。

【22:01】阿仙奴主場對韋斯咸,比賽開始。

【21:37】英超「倫敦打吡」阿仙奴主場對韋斯咸,兵工廠中場奧斯爾因病缺陣,由「死神」艾朗藍斯代替佢正選上陣。

阿仙奴正選陣容(4231)

門將:施治

後衞:比利連、梅斯達菲、柏柏斯達夫普路斯、蒙利爾

中場:古安杜斯、格列沙加

攻中:米希達利恩、艾朗藍斯、伊禾比

前鋒:奧巴美揚

韋斯咸正選陣容(4231)

門將:法比安斯基

後衞:賴恩費特歷斯、法比安巴貝拿、伊沙迪奧普、馬蘇亞古

中場:山齊士摩蘭奴、韋舒亞

攻中:菲臘安達臣、辛迪加斯、米查利安東尼奧

前鋒:阿拿奧杜域

最終打和1:1,曼城英超開季2連勝之後,第3場就失分,而且對手係新升班嘅狼隊,真係令人跌爛眼鏡。

【21:21】阿古路主射罰球大楣彈出。

【21:02】加比爾捷西斯頭槌攻門,但角度太正,被門將魯爾柏迪斯奧擋出。

【20:55】曼城中場根度簡開出罰球,中堅拿樸迪頂入,扳平1:1。

【20:52】狼隊中場魯賓尼維斯勁射貼柱出界。

【20:48】曼城換入前鋒加比爾捷西斯,加強攻力。

【20:46】大衞施華禁區內被拉跌,但球證冇吹罰。

【20:43】韋利保利飛頂,但撞到手入網,球證睇唔到,狼隊領先1:0。

【20:42】狼隊前鋒希達哥斯達左路長驅直進,近門起腳,被門將艾達臣摩拉斯救到。

【20:33】下半場開波。

【半場完】曼城上半場行運速度慢,攻勢並唔多,新升班嘅狼隊並冇死守,頻頻發動反擊,仲有1次食詐胡,表現唔失禮,上半場打和0:0。

【20:11】阿古路近門起腳,被後衞擋到,門將魯爾柏迪斯奧再接住。

【20:07】魯爾占美尼斯禁區內右路窄角度射門斜出。

【20:03】費蘭甸奴禁區邊起腳,貼柱出界。

【19:51】史達寧勁射,被魯爾柏迪斯奧飛身救出。

【19:50】狼隊前鋒魯爾占美尼斯入波,但越位在先,被判無效。

【19:46】魯賓尼維斯禁區外勁射高出。

【19:45】根度簡左路近門起腳,被門將魯爾柏迪斯奧救出。

【19:42】曼城控住來踢,節奏偏慢。

【19:30】英超頭場狼隊對曼城開波喇。

【18:50】英超早場,狼隊主場對曼城,雙方已經有陣。

狼隊正選陣容(343)

門將:11魯爾柏迪斯奧

後衞:5賴恩賓納特、16高亞迪、15韋利保利

中場:2馬特杜靴迪、8魯賓尼維斯、28摩天奴、19莊尼卡斯度

前鋒:10希達哥斯達、9魯爾占美尼斯、18迪亞高祖達

曼城正選陣容(4231)

門將:31艾達臣摩拉斯

後衞:2基爾獲加、4高柏尼、14拿樸迪、22班捷文文迪

防中:25費蘭甸奴、8根度簡

攻中:20貝拿度施華、21大衞施華、7史達寧

前鋒:10阿古路

周六(25日)晚英超好戲連場,7時30分開波有曼城作客狼隊,「藍月亮」曼城上場狂妙哈特斯菲爾德6:1,阿古路上演帽子戲法,今場對新升班嘅狼隊,又係佢數胡好機會,到底呢位阿根廷國腳會入幾多粒呢?

10點開波嘅賽事,一定要留意「倫敦打吡」阿仙奴主場對韋斯咸,兵工廠開季2場輸晒,對手韋斯咸都係2連敗,如果阿仙奴今場都開到齋,領隊艾美利真係前途似咁。

東網體育FB同你追實體壇每個精彩時刻!

http://bit.ly/2ecTF2A 

Follow東網體育IG一齊撐本地運動員!

http://bit.ly/2EYxoRh 


來源 source: http://hk.on.cc
鍾意就快D Share啦!