掃呢頁CODE去手機

2018年8月26日 星期日

《全民造星》廢評學員名普通 導師劉美君轟評判亂嚟 __,劉美君,

身為導師的劉美君對參賽者甚為上心,對於廢評㷫到爆。資料圖片
身為導師的劉美君對參賽者甚為上心,對於廢評㷫到爆。資料圖片ViuTV選秀真人騷《GoodNightShow全民造星》自7月中播出後,是非不絕。上周播出 ...


ViuTV選秀真人騷《Good Night Show全民造星》自7月中播出後,是非不絕。上周播出的28、29集請來蕭定一、張建聲及吳漢邦等擔任星級評判,卻被網友插爆,導師劉美君更扯火怒轟評判亂嚟,更從後台衝出台前與評判對質,監製「花姐」黃慧君亦直說:「火都嚟埋呀!」

選秀真人騷《全民造星》已播至30集,最近播出的幾集請來其中一個合作夥伴HMV數碼中國集團的五位代表包括主席蕭定一、歌手鄧健泓、導演吳漢邦、演員張建聲及趙永洪擔任星級評判,但卻成為眾矢之的。當參賽者表演完後,張建聲竟問:「你個頭(髮型)搞乜?」蕭定一再下一城問:「你覺唔覺得Oscar呢個名比較普通?會唔會好容易同人撞名?」而導演吳漢邦亦寸爆︰「啲帽點解要掟?」

大堆廢評成功點燃多位導師,卓韻芝在後台狂寸他們hea,郭偉亮亦說他們只懂抨擊名字、髮型,監製花姐亦不禁鬧爆:「可唔可以講啲有意義嘅嘢……火都嚟埋呀!」反應最激烈的就是劉美君,更㷫到在後台爆seed:「頂你個肺!」再衝出舞台與評判對質。



評判蕭定一(左)與張建聲的評語被網民鬧爆評語太廢。電視圖片 評判蕭定一(左)與張建聲的評語被網民鬧爆評語太廢。電視圖片
評判吳漢邦問參賽者:「啲帽點解要掟?」被卓韻芝寸太hea。電視圖片

評判吳漢邦問參賽者:「啲帽點解要掟?」被卓韻芝寸太hea。電視圖片

真心想幫班細路

劉美君昨日接受《蘋果》訪問,她說:「我忍無可忍決定講清楚,我都戥ViuTV唔抵,因為有人喺網絡留言,認為有設計情節。」她坦言:「我呢個人鍾意伸張正義,做呢個節目係想幫呢班有心喺呢個圈發展嘅細路,有人唔認真批評,我好勞氣。」花姐亦否認是設計情節︰「如果我要咁設計情節,一定俾老細斬死!」問是否有贊助才可以出鏡?她解釋︰「唔係,只係搵幾間公司去support我哋,佢哋喺參賽者中搵有潛質嘅人。」

被評名字太普通的涂心業(Oscar)回應︰「唔係好愕然,但預期comment係同表演有關。」另一參賽者姜濤表示:「我喺後台聽都有啲奇怪,唔係好理解,好似搞唔清重點。」



監製花姐、卓韻芝、郭偉亮、杜汶澤都寸評判不知所云。

監製花姐、卓韻芝、郭偉亮、杜汶澤都寸評判不知所云。
參賽者姜濤在後台聽到評語亦覺得奇怪。資料圖片

參賽者姜濤在後台聽到評語亦覺得奇怪。資料圖片
Oscar(右二)在節目中用心表演,卻被蕭定一批評名字太普通。電視圖片

Oscar(右二)在節目中用心表演,卻被蕭定一批評名字太普通。電視圖片

阿澤爆粗撐學員

杜汶澤亦於fb留言︰「Oscar,你個名太普通喇!你以後就叫9527」阿澤更不忿爆粗:「踩人邊個唔識吖?做人冇X用好小事,黑X心兼無品嗰吓大件事。」

據當晚現場錄影人士透露,參賽者當中有三、四位參賽者叫Oscar,有些更為此改名,所以蕭定一才有此一問,其實錄影時他也有給予意見,但偏偏節目卻大刀一剪,變成「斷章取義」。成為箭靶的蕭定一就封嘴說︰「冇回應。」

採訪︰皓鶱、霍淇、陳杰




鍾意就快D Share啦!